Dear Atty. Divine,
Ang akong mama dunay na-inherit nga yuta gikan sa among lolo. Upat sila ka magsuon ug tulo na nila ang patay na. Kaming mga anak gusto unta nga kuhaon na ang share sa among ginikanan og i-subdivide na ang property aron among mabaligya.
Apan ang among uyuan nga mao nalay buhi dili mosugot nga i-subdivide ang property. Amo na gisuwayan og pa-survey ang property apan iyang gibabagan. Unsay angayan namo nga buhaton? Daghang salamat.
Roland
* * *
Dear Roland,
Kamo isip mga heir sa imong mama, duna moy katungod nga mo-demand nga ipa-subdivide ang property aron makuha ang inyong share.
Kun dili gyud ninyo madala og hangyo ang inyong uyuan, mamahimo nga mopasaka mo og reklamo sa barangay ug inyong i-demand ang pagpa-subdivide sa property. Kun dili gihapon siya mosugot, ang inyong last option mao ang pagpasaka og Petition for Judicial Partition sa Korte ug wa nay mahimo niini ang inyong uyuan.
Apan medyo madugay gyud ang partition kay naa pa man kini hearing. Busa kun mapangitaan ninyo og paagi nga makombinser ang inyong uyuan nga i-subdivide na ninyo ang kabilin nga yuta nga di na moagi sa Korte mas maayo kay mao kini ang mas dali nga paagi. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.