Kasinatian uban ni Brad
MGA LAMAS SA KINABUHI - Fr. Rey Cui (Banat) - February 15, 2020 - 12:00am

Nadestino ko kaniadto ingon nga parochial vicar sa Team of Pastors kaniadto pinangulohan ni Bishop Dennis Villarojo. Sama sa ubang mga parokya dunay mga seminarista nga idestino panahon sa ilang pastoral immersions. Kining mga seminarista maoy gitahasan sa pag abag sa kaparian sa pag umol sa mga BEC Seldas sa parokya. Motambong sila sa mga MAKALIPANG SESSIONS (Nagpasabot kini og MAAYONG BALITA, KASINATIAN, LIHOK, PANGAMUYO). Ako usab ang in charge sa mga Evangelizers apan gisubay gihapon namo sa mekanismo sa BEC MAKALIPANG ang tanan. Usa ka gabii niana gisugo ko sa kura paroko nga maoy mangulo sa pag-ihap sa kolekta kay may lakaw siya. Sa laktod ako ang moandam sa mga sweldo sa mga pari nga ihatag matag Lunes sa Buntag. Busa ako kining gihimo. Ako pud giandam ang bahin alang sa mga seminarista sa dili pa sila mopauli sa seminarista. Libo kapin kadto hinuon kay daghan man ang tag biyente mao nga akong giandam ang tag baynte.

Sa ako nang paghatag sa bahin alang sa mga seminarista ang natahasang seminarista ang niangal ug niingon: “Bug-at ra kaayo ni padre, mahimo bang imo ning itibuok? Kay di baya lalim magdala og sensiyo!” wala ko katingog sa gipakitang taras ning maong shokey nga parion. Apan ako siyang giingnan sa mas kalmado nga pulong. Brod, kining mao ni ang timan-i nga sa among panahon kaniadto dili gyud mi mamili gani sa matag higayon nga magdala mi og kwarta gikan sa parokya kay lagi kolekta alang sa Opus Vocationum sensilyo nga motagingting pa. Hinuon wala madayon to sa pagkapari tawhana. Kay nakita tingali sa iyang mga formators nga lahi ra ang iyang tumong ug tuyo.

Di pa lang dugay gihimo ang vocation campaign sa nagkadaiyang mga tunghaan. Dunay mga seminarista nga nisuroy ug nangumpanya alang sa Diocesan nga Pagkapari. Daghan tingali sa mga estudyante ang buot mangutana kun unsa gyud ang kinabuhi sulod sa seminaryo. Daghan man gud rong mga panahoha ang padayon nga nag ilusyon nga ang seminarista kinahanglang lainon gyud og tagad kaysa ubang mga tawo ug dunay mga tawo nga seminarista pa lang daan ngita na og entitlement. Samot na gyud kun sila mamahimo na gyud nga pari.

Mas maayo ra gyud nga magpabiling mapaubsanon ug kuntento sa bisan unsa nga anaa. Matud pa ni Kardinal Tagle nga kun asa man gani mabutang ang usa ka pari himoon niya ang iyang nahimutangan ingon nga luna aron siya motubo ug molambo ug makahatag og kalamboan usab alang sa uban labina gyud sa espirituhanong kinabuhi sa iyang katawhan. Dunay mga higayon nga kita mangutana kun nganong mahitabo sa atong kinabuhi ang mga butang nga wala nato damha apan kining mga hitaboa kun buot hunahunaon kasinatian usab diay sa grasya. Hangtud karon padayon kong magpasalamat sa mga tawo nga ni exert og effort aron lamang makatampo alang sa bisan unsang kalihukan aron mamahimo kining magmalampuson. Ug kun ubanan nimo og pahiyom ang imong pagkamapasalamaton nan, mamahimong mas makahuloganon ang tanan alang kanimo ug kanila.

DENNIS VILLAROJO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with