Dear Atty. Divine,
Ang akong papa mipalit og yuta . Iyang gibayran ang property in-full ug nagpirmahanay sila og Deed of Absolute Sale ug notarized kini. Apan bisan kun napalit na ni papa ang property, wa niya papahawaa ang seller ug didto gihapon kini gipapuyo sa yuta nga gipalit. Last month namatay ang seller ug human sa paglubong niini, gisultian ni papa ang mga anak sa seller nga amo nang gamiton ang property ug dapat na kini nilang i-vacate. Apan wa mosugot ang mga anak bisan kun gipakita sila sa Deed of Absolute Sale nga pirmado sa namatay ug ilang gi-deny nga gibaligya na sa ilang papa ang maong property. Unsaon namo pagkuha ang property? Daghang salamat.
Rona
* * *
Dear Rona,
Sa dihang nagpirmahanay og Deed of Absolute Sale ang imong papa ug ang seller, aduna nay transfer of ownership basi sa Article 1498 sa New Civil Code of the Philippines nga nagkanayon nga kun gipaagi sa public instrument ang pagbaligya sa property ang pagpirma sa Deed of Absolute Sale equivalent na sa delivery sa butang nga gipalit. Gawas pa, notarized ang Deed of Absolute Sale sa imong papa busa aduna kini presumption of regularity.
Buot ipasabot nga dunay lig-ong ebidensya ang imong papa sa iyang pagpalit sa property ug dili kini basta basta nga mabalewala sa mga anak sa Seller. Kun dili gyud mo vacate sa property ang mga anak sa seller mamahimo kining ireklamo sa imong papa sa barangay og kon di sila masettle sa barangay, then modangop ang imong papa sa korte. Thanks and God bless.
* * *
Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon pinaagi sa akong column matag Miyerkules, Sabado ug Domingo.