EDITORYAL - Pit Senyor!
Ian B. Melecio (Banat) - January 19, 2020 - 12:00am

Daghan ang mga nakabantay sa kadako sa kalainan sa debosyon sa mga tawo kang Senyor Sto. Niño kun itandi sa debosyon ngadto sa Itom nga Nazareno sa mga taga Manila nga parehong nagselebrar og pangilin karong bulan sa Enero.

Dunay mga nag-ingon nga panatiko na ang klase sa debosyon sa mga taga Manila ngadto sa Nazareno tungod kay sa ilang paghimo niini, dunay mga tawong masakitan ug usahay duna gyuy makalas diha sa pila ka kilometrong traslacion.

Ang pangilin sa duha, gipangandaman gyud kanunay sa ilang mga deboto kay makausa ra sa usa ka tuig mahitabo.

Mao nga kutob sa mahimo, ang uban mangita gyud og paagi nga matuman ilang panaad bisan og tua pa sila sa lagyong lugar mosakripisyo gyud og gastos aron makapanagkot o makahikap sa imahen.

Sa ubang deboto sa Nazareno, kompleto para kanila ang ilang tulomanon kun makahikap sa Imahen, samtang ang uban paigo na nga makakita niini diha sa traslacion. Dinhi sa Sugbo, ang mga tawo dili molangoy sa duot sa mga deboto aron lang makapaduol sa imahen ug aron mohikap.

Sa pagkanta palang sa Batubalani sa Gugma modulot na sa kasingkasing sa mga nakadungog ang pagbati og debosyon ngadto sa Balaang Bata, mao nga dili kapugngan nga moisa sila sa ilang mga kamot ug mokawaykaway sa Imahen ug pinaagi niini natuman na nila ilang panaad.

 Maayong paminawon nga mosakripisyo ang deboto kada pangilin agi pagpasalamat sa tanan. Apan mas labing maayo kun magdebosyon bisan walay gipangayo.

Kun managlahi man ang pagtan-aw sa uban sa duha ka dagkong pangilin sa Itom nga Nazareno didto sa Manila ug sa Senyor Sto. Niño dinhi sa Sugbo, ang debosyon, debosyon gyud sa tawo.

Bisan sa unsa pa nga pamaagi niya kini buhaton sa pagsimba ug pagpakita sa debosyon pagtuman sa iyang panaad,  walay makabuot niana basta ang importante mao ang bug-os nga pagtuo. Pit Senyor!

PIT SENYOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with