Santos Inosentes

Gipamatay sa tumang kapintas ang mga kabataang lalaki sa kapanahonan ni Herodes kini tungod kay sila giisip mang mga hulga sa iyang gingharian.

Tungod sa iyang kapakya sa pagkaplag sa Mesiyas mao nga iyang giangin ang uban sa iyang way kapasikarang kalagot.

Tingali daghang mga inahan ang nahiagom sa naghinUbrang kaguol sanglit ang bata nga gidala sulod sa siyam ka buwan ug giatiman sa dihang nigawas na ang gipatay raman hinuon diha mismo sa ilang atubangan.

Sakit kini nga talan-awon sa sa usa ka inahan. Labihan ang ilang gibating pagminatay ning maong panghitabo.

Apan alang kang Herodes padayon lamang siya sa iyang ghimo kini tungod kay mas mahinungdanon alang kaniya ang iyang trono kaysa kinabuhi sa tawo.Ingon ana siya kasalbahis, kahakog ug kaway pagbati.

Ning atong kapanahonan karon daghanan gihapon nato ang nahimong mga Herodes kini tungod kay imbis panalipdan ang kabataan ang mga hamtong naman nuon ang nagpasiugda sa mga kaboang.

Ang mga ginikanan maoy mounay og bugaw sa ilang mga anak ngadto sa mga langyaw.

Cyberpornography, ug uban pa.

Ang mga amahan, uyoan o mga hamtong maoy mounay og pahimulos sa ilang mga kabataan alang sa ilang personal nga katagbawan.

Kini ang nakapahimo sa atong katilingban nga tun-as na gyud tingali bisan sa moralidad kay nahimong dili na sagrado ang kinabuhi.

Tinuod nahimong mabulokon ang atong pagsaulog sa Pasko ug tugob kini sa kalipay apan atong hinumdoman nga sa atong panaw usab anaa ang kagul-anan nga pagahambinon kay hangtud karon padayon kitang nanlimbasog ug nakigbisog alang sa kaayohan sa kabataan ug kabatan-onan nga nahimong biktima sa yawan-ong pagbanhig ning atong katilingban karon.

Ang pasiunang pag-ampo nagkanayon:

“O Dios karong Adlawa ang mga gagmay’ng bata nga mga martir ang sa walay paglitok og pulong nahimong mga saksi kanimo pinaagi sa ilang kamatayon.

Itugot nga ang pagtuo nga among gilitok sa dila masaksihan usab unta sa among kinabuhi.

Kini among gipangayo pinaagi ni Cristo among Ginoo. Amen.