Defensive
LINTUNGANAY - Fred P. Languido (Banat) - December 1, 2019 - 12:00am

Human mahiagom og grabing pagsaway diha sa social media si House speaker Alan Peter Cayetano tungod sa daghang bulilyaso sa preparasyon sa 30th Southeast Asian Games, buot niyang imbistigahan sa kongreso ang matud niya nagpakatap sa “fake news.” Nanghagit pa siya nilang Senador Franklin Drilon ug Panfilo Lacson nga magdungan sila og paubos sa “lie detector test” aron pamatud-an nga wala siya makasapi sa iyang pagpangulo sa preparasyon. Una, way namasangil nga nakasapi siya. Defensive lang siya sa di malalis nga kamatuoran sa kamahal sa kaldero nga iyang gipatukod.

Ikaduha, way peke sa nanggawas nga report nga mibalor og P50 milyones ang maong kaldero ug gani siya mismo miangkon man niini. Dili sab peke ang reklamo sa mga atleta gikan sa ubang nasud nga natanggong didto sa airport kay dugay nakuha.

Wala say peke sa reklamo sa mga coach sa ubang delegado nga dili maayo ang ilang pagkaon hinungdan nga napugos sila sa pagpamalit og ilang kaugalingon. Inay himoong politika ang lihitimo nga mga reklamo batok sa kakuwang niya sa hibangkaagan sa trabaho, mas maayong dawaton ni Cayetano ang mga pagsaway ug dili gamiton ang Kongreso pagpanggukod sa iyang mga kritiko.

Kun sa iyang tan-aw malisyoso ang mga nanggawas nga report, mamahimo siyang mosang-at og reklamo batok sa mga responsable niini. Way nagpugong niya nga mopasaka og kasong libel sa mga tawo nga iyang gipasanginlan nga nagpakatap og “fake news” inay nga gamiton ang resources sa kongreso paghimo og imbistigasyon.

Samtang kabahin ni sa oversight function sa kongreso, apan angayan nato siyang pahinumduman nga ang ilang imbistigasyon “in aid of legislation” og dili angayang gamiton sa pagpanghasi sa mga kritiko. Dili sab husto ang pangangkon ni Cayetano nga ang pagsaway batok niya gitumong sa administrasyong Duterte.

Way labot si Presidente Duterte sa iyang pribadong foundation nga maoy nagsilbing organizing committee sa SEA Games. Gani ang presidente mismo dismayado sa mga panghitabo.

Busa dili tukma nga iangin ang presidente sa iyang palpak. Ang nakadaot ni Cayetano mao nga nagpalumaluma siya pagdawat sa dakong tahas bisan wala siyay kasinatian niini.

Unsa bay iyang qualification sa natad sa paugnat sa kusog?

DEFENSIVE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with