Seguridad
AMBOT LANG - Gerry Auxilio (Banat) - October 24, 2019 - 12:00am

Upat ang patay, lima ang gidakop ug laing wa pa matino nga gidaghanon sa mga tulisan nga nakaikyas human ning-ataki sa jewelry stores ug moneychanger sa J Centre Mall sa dalan A.S Fortuna, siyudad sa Mandaue niadtong Sabado sa gabii.

Giingong kapin sa P130 milyones ang balor sa maong mga alahas ug kwarta ang nakuha sa mga tulisan. Apan, wala pay opisyal nga pamahayag ang upat ka tindahan nga nabiktima sa tulis.

Ang mga tulisan nga yano lang kaayo nga nakasulod dinhi sa Sugbo.

Wala sila madiskita-i sa mga tigpaniid nga mga polis. Yano silang misulod sa usa ka dakong tindahan sa Mandaue ug yano ra pod kaayo nga nakapanulis sa mga jewelry shop ug moneychanger.

Morag mo aksiyon na gyod ta ani og kabalaka tungod kay sa imong atubangan yano naman lang ka nga tulison sa mga tulisan nga dili na mahadlok nga madakpan sa mga polis.

Apan nasipyat lang sila sa ilang gihimong pagpanulis tungod kay yano ra man pod silang nasundan sa mga polis nga miresulta sa pagkapatay sa upat ka mga tulisan ug pakasikop sa mga kauban.

Samtang akong giila ang mga paningkamot sa mga polis pagdakop sa mga tulisan apan dili usab  mahimo nga akong  ipadaplin ang akong mga pangotana kon nganong wala mahibawi ang pag-abot sa mga tulisan nga taga-Mindanao dinhi sa Sugbo.

Asa man karon nakatutok ang mata sa mga polis? Kanunay ba lang kini nga nakatutok sa mga tigpayuhot og ginadili nga drugs maong wala sila nakamatikod sa pagsulod sa mga tulisan?

Dili ko motuo nga nakalimtan sa mga polis ang pagpaniid sa kalihokan sa mga kriminal ug tulisan, nalutsan lang gyod seguro sila sa lihok sa mga tulisan.

J CENTRE MALL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with