EDITORYAL - Balanse unta sa tanan
(Banat) - October 19, 2019 - 12:00am

Usa ka balaudnon ang giduso aron amendahan unta ang kasamtangang 1974 Labor Code sa nasud nga nagtinguhang padugayon pa ang probationary period sa mga trabahante ayha pa sila ma-regular sa ilang trabaho.

Niadtong Hulyo, gi-veto ni Pres. Duterte ang Security of Tenure Bill bisa’g usa kini sa iyang mga priority bills.

Giingong di balanse ang maong balaudnon kay pabor lang kini sa mga mamumuo ug nabalaka siya nga daghang maniradong kompanya kun papasaron kini.

Mao unta kadto ang magtangtang sa kontraktuwalisasyon nga maoy gigamit sa mga employers sa pag-abuso sa ilang mga empleyado.

Kini sab maoy gitumbok nga hinungdan nganong daghan ang nawad-an og trabaho tungod sa “Endo.”

Karong wala pay kasigurohan kun iduso pagbalik ang gi-veto nga Security of Tenure Bill, duna say giduso nga laing balaudnon si Rep. Jose “Bonito” Singson Jr. (Probinsyano Ako party-list).

Gusto niyang amendahan ang karaang Labor Code. Apan sa unang tan-aw, murag dili makiangayon para sa mga mamumuo kay palugwayan hangtud duha ka tuig ang probationary period ayha pa ma-regular ang usa ka empleyado.

Sa pagkakaron kun maabot na og unom ka buwan ang usa ka empleyado diha sa kompanya otomatiko silang i-regular sa kompanya.

Bisan wa pa mapasar ang Security of Tenure duna nay Executive Order No. 51 nga gipagawas si Duterte nga nagmando nga kinahanglang ipasunod gyud ang mga probisyon sama sa security of tenure ug illegal contracting ug subcontracting sa mga kompanya aron di sila makaikyas paghatag sa makiangayong benepisyo para sa mga mamumuo.

Maayong paminawon una ang mga pros and cons niini. Kay pabor kini pareho para sa mga negosyante ug sa mga empleyado.

Kini tungod kay makatigum gyud sila ug may panahon pa usab ang empleyado pagbalhin kun mausab ilang hunahuna ug di sila mahigot sa kompanya kun di sila ganahan.

Sa habig sa mga employers, di na nila kinahanglang bawogon ang balaud ug mas makapili sab sila og maayong mga kawani nga di magdalidali.

BALANSE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with