San Miguel Arkanghel
MGA LAMAS SA KINABUHI - Fr. Rey Cui (Banat) - September 20, 2019 - 12:00am

Dunay tulo ka mga Arkanghel nga natala diha sa Balaang kasulatan.

Sila si San Rafael, Gabriel ug si Miguel. Si Rafael mao ang nikuyog sa anak ni Tobit nga si Tobias sa panaw niini ug gani mao man kini ang nanalipod kaniya gikan sa gahum ni Asmodeus ang demonyo nga naghatag og kadaut sa kinabuhi ni Edna iyang asawa.

Ang maong demonyo maoy mopatay ni bisan kinsang lalaki nga nahimong bana ni Edna sa unang gabii sa ilang kaminyoon.

Si Gabriel mao ang nipahibalo kang Maria nga mamahimo siyang inahan sa Dios.

Samtang si San Miguel mao kadtong Arkanghel nga mitambog kang Satanas ngadto sa impiyerno, ang Lucifer nga mapagarbohon kaayo sa kanunay.

Akong nadalikyat og saysay si San Miguel dinhi ingon man ang ubang mga arkanghel tungod kay karong buwana man gud atong saulogon ang Pangilin nilang Tulo ka mga Arkanghel karong Septiyembre 29.

Ug dinhi sa amoa sa Madridejos Alegria dunay mga kapilya usab nga nagsaulog sa maong pangilin hinoon ilang gipasidunggan si San Miguel.

Sa akong bahin duna koy personal nga pagdebosyon kaniya kay matud pa, natawo man ako sa adlaw nga Domingo.

Mao nga duna koy imahen niya ug nahimong first time pud nga dinhi sa akong parokya amo siyang  pistahan kuyog ni San Lorenzo Ruiz de Manila patron sa mga Lay Ministers dinhi sa amo.

Ang mga anghel mahimong atong sabton ingon nga mga espiritu diha sa ilang kinaiya ug mga anghel diha sa ilang gimbuhaton.

Ang pulong anghel gikan sa Griyegong pulong: “Anggelos” nga nagpasabot og mensahero. Wala pud silay gender sanglit sila mga espirituhanon man. Apan ang bugtong seguro niini mao nga ang mga anghel ug arkanghel nag-alagad sa Dios mao nga sila kanunay anaa sa atubangan sa Dios ug naghimanaya kaniya.

Mao nga ato silang sangpiton sa kanunay labina gyud si San Miguel labina sa mga higayon nga kita:

A. Tentalon aron magpuyo og kinabuhing masalaypon.

B. Panahon sa atong kamatayon aron kita iyang sugaton.

C. Panahon nga ang dautang mga espiritu kanato manghasi. Ato silang suklan sa pagsalig nga si San Miguel Arkanghel kanato manalipod.

San Miguel Arkanghel itambog sa impiyerno si Satanas ug tanang dautang Espiritu nga naglibotlibot sa yuta ug nangita sa kapildihan sa mga kalag.

Amen.

SAN MIGUEL ARKANGHEL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with