Kaayohan sa katawhan
RENBOR PATROL - Rene U. Borromeo (Banat) - June 20, 2019 - 12:00am

Nipahibalo na usab si Konsehal Dave Tumulak nga mosuporta siya sa mga maayong programa ni Cebu City mayor-elect Edgardo Labella.

Si Tumulak usa sa mga sinaligan ni Mayor Tomas Osmeña kay gani gitudlo sa mayor si Tumulak isip deputy mayor for public safety.

Apan husto si Tumulak sa iyang hukom kay nganong supakon man nimo kon maayo ang mga programa ni Labella?

Kon makita sab hinuon nga dili maayo ang proyekto nga isugyot ni Labella ug dili kini makahatag og kaayohan sa katawhan sa dakbayan, angay usab kini nga supakon.

Bisan og wala pa gyud mobutyag si Konsehal Tumulak nga biyaan na niya ang BOPK nga maoy politikanhong pundok ni Mayor Osmeña, apan klaro na kaayo uy nga paingon na niining mao nga direksyon.

Napanglantawan lagi nako nga ang mga konsehal nga alyado ni Labella mao na gyud unya ang modumala diha sa City Council ug nagpasabot nga wala nay problema ang mayor sa pagpatuman sa iyang gusto nga mga proyekto.

Para nako, angay natong suportahan si Labella basta atong makita nga nindot ang iyang mga proyekto.

Nakita nako nga nindot man ang iyang programa sama sa paghimo na nga 24/7 nga bukas ang opisina sa City Hospitalization and Medical Assistance Program (CHAMP) nga mao ang pagtabang sa mga lumolupyo sa siyudad nga naospital ug manginahanglan og tabang.

Labi na og ang budget sa CHAMP para sa sunod tuig iyang dugangan. Didto sa Davao City dihang mayor pa si Digong Duterte, saksi gyud ko nga 24/7 ang ilang Lingap Center nga maoy counterpart sa CHAMP.

Pagkakaron, mora’g wala na gyud kaayo maninguha ang mga garbage collectors sa paghakot sa mga basura dinhi sa dakbayan. Resulta, makauuwaw kaayo nga gipasagdan ra ang mga basura nga nagtipun-og sa daplin sa mga karsada.

Pila na ka adlaw nga akong nabantayan nga gipasagdan na lang ang bukid sa mga basura nga anaa ra daplin sa karsada, sama diha sa Gorordo Avenue; sa Maracas, Lahug ug daghan pa nga dapit dinhi sa siyudad. Unta kining mao nga problema usa gyud sa hatagan og pagtagad ni Mayor Labella kon molingkod na siya sa katungdanan sugod karong Hunyo 30.

* * *

Kadtong mga kaswal nga kawani sa City Hall nga nagtinapolan na sa ilang mga trabaho, angay nga dili na gani unta sila sweldohan.

Nganong sweldohan man sila nga tapolan pa man sila sa nangamatay. Diha nga mi-resign ko sa usa ka radio station nga gitrabahoan nako kaniadto, mitrabaho ko hangtud sa kataposang oras sa akong duty.

Marso 30, gisweldohan na ko, apan mitrabaho ra gihapon hangtud sa Marso 31. Para kanako, ingon unta niini ang angay’ng himoon sa mga trabahante sa City Hall bisan og nasabtan nila nga dili na sila marenyohan sa ilang trabaho.

Busa, para kanako, angay ra nga kining maong mga kawani dili na papadayonon sa pagserbisyo sa City Hall.

KATAWHAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with