EDITORYAL - Tumana inyong gisaad
(Banat) - May 24, 2019 - 12:00am

Karong nahuman na ang eleksyon ug gipaabot nalang ang pormal nga paglingkod sa mga nakadaog nga mga bag-ong opisyales karong Hunyo 30 sa alas-12 sa udto, mas maayong balikan sa mga mananaog ang ilang mga gipangsaad ngadto sa mga botante.

Usa sa mga nagkinahanglan og dakong atensyon ang Marawi City kansang siyudad nagusbat sa giyera tali sa gobiyerno ug mga teroristang ISIS-Maute didto duha ka tuig na ang nakalabay.

Human sa gubat misaad si Presidente Duterte nga dalion ang pagpabarog pagbalik sa mga nangagubang kabalayan sa mga Maranao didto sa Marawi City, apan duha na ka tuig ang nakalabay wala pay kalamboan nga nakita didto.

Ang mga kandidato sa pagka-senador ug ingon man ang mga kongresista didto sa maong lalawigan pulos nanaad sa kampanya nga ilang tabangan nga mapaspasan ang rehabilitasyon sa Marawi City.

Natural lang gyud nga maghinamhinam ang gibanabanang 100 mil pa ka mga bakwit nga padayong nagpuyo karon sa evacuation sites.

Kagahapong adlawa ang sumad sa pag-atake sa Maute-ISIS sa Marawi sa dihang dakpon unta sa mga otoridad ang lider sa maong grupo nga si Isnilon Hapilon nga giisip nga “Emir” o lider sa ISIS dinhi sa Southeast Asia.

Dugoon ug dako kaayo ang danyos nga gibilin sa upat ka buwang gubat ug lugos na gani makabarog ang mga naipit nga mga sibilyan gikan sa maong krisis. Apan hangtud karon wa pay rehabilitasyong nahitabo.

Paspasan unta sa gobiyerno inabagan sa mga nakadaog nga mga kandidato ang rehabilitasyon tungod kay daghang kabataan didto ang apektado sa maong krisis sa ilang kahimtang ug sila maoy kinaham nga rekruton sa mga terorista.

Talandugon kaayo ang sitwasyon sa Marawi ug kini angay nga lihukon dayon sa mga bag-ong napiling mga opisyales.

TUMANA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with