Mga hinungdan sa hikog
MGA LAMAS SA KINABUHI - Fr. Rey Cui (Banat) - May 13, 2019 - 12:00am

Kini ang apas sumpay sa niagi diin atong gihisgutan ang mahitungod sa hinungdan sa hikog.

Kagustohan ingon man impulsivity. Kadaghanan sa mga tawo karon ang matawag natong volatile kaayo og pagbati mao nga dali ra kaayo nga makahukom og hikog bisan pa man kun dili gyud kaayo komplikado ang problema.

Ang tinguha nga maoy modumala sa kinabuhi. Buot nato nga mamahimo kitang mga agawon mismo sa atong kinabuhi kuyog niini ang pagkontrolar bisan sa atong kamatayon. Dili kita buot nga mag-agad sa atong palibot ug sa mga panghitabo sa atong palibot. Buot kita nga kita mismo ang magbuot alang nato ug dili ang uban.

Ang kamatayon sa atong mahal sa kinabuhi ug buot nato nga kita mosunod kanila sa mas dali nga panahon.

Ang pangutana mao nga unsaon man nato ang pagkasayud nga ang tawo buot nang maghikog? Ania ang mga timailhan:

1. Nisuway na og hikog sa niaging panahon. Kun ugaling ang hingtungdan nisuway na niini kaniadto mahimong iya kining buhaton sa laing higayon. Dili kini angayang ibalewala.

2. Ang paghudlat sa biktima nga iyang himoon kining maong butang. Kini tungod kay ang bisan unsang anaa sa hunahuna mahimong buhaton sa aktwal nga paagi.

3. May plano ug ang maong plano sa paghikog detalyado.

4. Ang kaguol nga walay sama gumikan sa mga panghitabo sa iyang kinabuhi.

5. Ang mental illness nga nasinati sa hingtungdan nga tungod niini malisud alang niya ang paghimo og desisyon.

6. Adunay kausaban sa iyang kinaiyang gipakita nahimong dakong sukwahi sa naandang kinaiya nga nahuptan sa biktima.

7. Negatibong emosyon. Sa tanang higayon negatibo na lang gyud ang gibati o pagbati.

8. Mahimong ipanghatag sa biktima ang iyang mga butang nga importante kaayo niya ngadto sa mga tawo nga giisip sa maong biktima nga impoortante alang niya.

9. Suicide note nga kasagaran naghisgot man sa pagpangayo og pasaylo sa pagabuhaton ug pagpasalamat sa mga nindot nga mga memories kuyog sa pamilya.

10.  Pagpangandam alang sa kamatayon. Kini tungod kay ang maong hingtungdan mahimong mobayad daan sa mga bills, mosuwat og mga sulat ingon man ang paghimo og detalyadong plano sa dili pa mahitabo ang maong kamatayon. (Sumpayan pa)A

HIKOG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with