Namfrel way kuwenta
JAV, BANATI! - Javier Y. Tapulado (Banat) - May 12, 2019 - 12:00am

Niadtong Mayo 2, nagpatawag og emergency meeting ang Parish Pastoral Council sa Guadalupe Parish Church, diin usa ko sa mitambong. Si Fr. Romeo ‘Dodong’ Desuyo maoy midala sa renda uban sa mga opisyales sa PPC.

Ang evaluation ug feedbacks bahin sa bag-o lang natapos nga National Youth Day nga kalihokan maoy gihimong general agenda sa among panagtigom nga gisugdan alas 7:00 pasado na sa gabii.

Mga sweet and sour experiences sa mga delegado ug sa host parishes, diin usa ang Guadalupe, gihikyad tanan ibabaw sa lamesa ug among gisaw-an. Ug nakita namo ang kinatibuk-ang larawan.

Unya, nahisgotan ni Fr. Dodong ang bahin sa Namfrel ning umaabot May 13 election.

Ning puntoha, gipaambit ni Fr. Dodong ang iyang kasinatian isip miyembro sa Namfrel kanhi. Matud niya, sa higayon nga may irregularities silang mamatikdan, buhatan nila’g report.

Dayon, isumiter ngadto sa opisyal sa ahensiya sa gobiyerno nga in-charge niini. Pero pulos kadismaya ray ilang naani. Kay wala gyuy nahitabong aksiyon sa ilang gihimong report.

Sa kinasingkasing nilang pagbantay nga ang eleksiyon sa Pilipinas mahimong honest, fair and just, ang ilang diniyos nga kahago napunta lang sa mga bungol nga dalunggan. Mao nga nakakomentariyo siya: “Namfrel? Useless man na. Wa man nay gamit. Murag gihimo rang adorno.”

Niadtong Mayo 4, nagbansiwag sa newspaper ang balita: ‘Namfrel withdraws as poll partner’. Namfrel on Friday announced it was withdrawing as an accredited watchdog for this year’s mid-term poll after Comelec rejected its request to access key election data.

Hinuon, si Comelec spokesperson James Jimenez mipasabot nga wala kuno nila gi-deny ang hangyo, wala lang gi-grant. Kay matud pa niya, walay katungod ang poll body sa paggunit niining butanga. Hala, no?

Pahinumdom lang. Kun ang tumong sa Comelec mao ang paghatag sa katawhan og limpyo nga resulta sa eleksiyon, nganong aduna man silay idili sa gustong mobantay? Nganong dili man iabli ang tanan for transparency purposes? Dili na kinahanglan nga mohatag og rason. Rason nga makahatag lag dugang panganod sa pagduda.

No wonder. Nga ang Pilipinas wala pa gyud sukad makatilaw ug hapsay ug limpiyong piniliay. Husto si Fr. Dodong sa iyang pag-ingon: Nga ang Namfrel way kuwenta.

KUWENTA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with