Comelec control
AMBOT LANG - Gerry Auxilio (Banat) - May 9, 2019 - 12:00am

Padad-an sa gobyerno og tangke de giyera ang lungsod sa San Fernando tungod sa init nga politika ug mga kaso sa pagpatay diin maoy gitarget ang mga opisyal sa mao nga lungsod. Sa pagkakaron maglisod na sa pagpahigayon sa ilang session ang konseho sa lungsod tungod kay pila na lang ka konsehal ang nahabilin human ang uban kanila ang gipangpatay ug ang uban namiya tungod sa kahadlok. Bisan ang ilang bise mayor nga mao ang presiding officer sa konseho sa lungsod ang wala napod makita.

Sa tanang kaso sa patay nga ang mga biktima opisyal sa barangay ug lungsod sa San Fernando wala pa gayoy nasulbad ang kapolisan ug wala pa gayod silay nadakpan.   

Niining bag-o ang ambulansiya nga naghatod og pasiyente sa Vicente Sotto Memorial Medical Center girapido samtang nagdagan pauli sa lungsod sa San Fernando. Salamat, luwas ang mga nagsakay niini nga pulos mga samdan.

Kining maong kaso i-apil na lang pod nako daan sa listahan sa mga kaso nga wala mahatagi og kasulbaran sa kapolisan.

* * *

Sunod-sunod ang mga kaso sa pagpangrapido ug mga pagpanghulga sa bukirang barangay sa dakbayan sa Sugbo. Kini ang reklamo ni Mayor Tomas Osmeña tungod kay maoy gipuntarya niini ang iyang mga dumadapig.

Una, maoy girapido ang balay sa mga kapitan sa duha ka barangay nga pulos mga dumadapig ni Mayor Tomas Osmeña. Bag-o lang nakadawat usab og pagpanghulga sa iyang kinabuhi ang usa sa mga BMO sa Mayor.

Sa nahitabong pagpangrapido walay nasamdan gawas lang sa mga nabuslot nga bongbong sa mga panimalay sa kapitan. Nagduda ko sa pagkatinuod ning kasoha sa pagpangrapido. Dili kaha ni kaso sa rapido me? Diin ang tumong mao ang paghimo og mga isina nga makamugna og kagubot aron mapugos ang Commission on Elections sa pagpaubos sa dakbayan sa Sugbo sa kontrol niini nga mao gayod ang gusto sa mayor? Nganong gusto man gayod sa mayor nga mapaubos sa Comelec control ang dakbayan sa Sugbo? Tungod ba kay makakontrol siya sa Comelec?

COMELEC CONTROL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with