Kinsa ang sakto
AMBOT LANG - Gerry Auxilio (Banat) - May 2, 2019 - 12:00am

Onse ka adlaw na lang eleksiyon na maong nagkainit na ang mga isyu nga gipangbato sa mga kandidato ug sa ilang mga dumadapig. Nagbaha usab ang mga propaganda sa mga kandidato nga nagpahumot sa ilang kandidatura ug nagsaway ug nagdaut sa ilang kaatbang sa politika.

Busa kinahanglan nga magsusi ug mag-imbistigar ang matag usa kanato sa dili pa motuo sa mga madungog sa radyo, makita sa television, mabasa sa mga pamantalaan, mga campaign materials ug social media.

Usa sa mga isyu nga gituki pinaagi sa social media mao ang gisudlan sa pamunoan ni Mayor Tomas Osmeña nga gitawag og Kawit project nga nagkantidad og P18 bilyones. Nalangay kini ug gipasanginlan sa kampo sa mayor ang opposition nga mao ang hinungdan sa pagkalangay sa proyekto tungod kay gibabagan kini.

Gipasigarbo ug gibandilyo sa kampo sa mayor ang ka maayo sa proyekto tungod kay maghatag kini og lima ka libo ka mga trabaho apan nalangay kini kay gibabagan sa opposition. Maong gitawag sa mayor ang opposition nga Team Babag.

Ang pasangil gitubag sa opposition pinaagi ni Bise Mayor Edgardo Labella. Giklaro sa bise mayor nga alkanse ang dakbayan sa Sugbo sa gisudlan nga Joint Venture sa mayor. Giklaro usab niini nga dili ang paghatag og trabaho ang tuyo sa mayor sa pagpasiugda sa proyekto kay kun mao pa kini nganong gibabagan man sa mayor ang proyekto sa SM-Ayala joint venture nga makamugna unta og 450,000 ka trabaho kun itandi sa 5,000 lamang sa Kawit nga proyekto.

Gisumbalikan ni Bise Mayor Edgardo Labella si Mayor Tomas Osmeña pinaagi sa pagtawag niini nga mao ang orihinal nga Mr. Babag tungod sa pagbabag niini sa SM-Ayala Joint Venture sa South Road Properties nga naghatag na og P10.7 bilyones nga salapi sa panudlanan sa Siyudad sa Sugbo. Kining maong kantidad igo na unta kaayo nga gastuhon sa pagsulbad sa suliran sa baha, basura, traffick, kapoy-an, edukasyon ug panglawas nga wala masulbad sukad nahimong Mayor si Tomas niadtong 1988.

Kun kinsa ang sakto sa duha, kamo na ang maghukom.

SAKTO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with