Mga tinagsip
AMBOT LANG - Gerry Auxilio (Banat) - April 23, 2019 - 12:00am

Napatay didto sa Quezon City ang miangkon nga drug lord nga si Franz Sabalones niadtong Huwebes Santo samtang motan-aw unta og duwa nga Billiard ni Dennis Orcullo. Apan wala mokompirma niini ang kadagkoan sa kapolisan dinhi sa Sugbo. Nagduda ba ang mga polis nga ang napatay dili si Franz Sabalones?

Si Franz Sabalones mitahan sa iyang kaugalingon kang kanhi Philippine National Police Director General Bato Dela Rosa ug miangkon nga drug lord human milingkod sa Malakanyang si Presidente Rodrigo Duterte. Apan wala siya pasakahi og kaso ug nahimong gawasnon. Ning bag-o, ang kadagkoan sa kapolisan sa Sugbo namasangil nga mibalik sa iyang operasyon sa gidili nga drugas si Franz Sabalones bisan pa man sa iya nang pagka pastor. Kun mao, Si Franz ang pastor nga drug lord?

* * *

Nakahukom ang pangulo sa Hugpong Nang Pagbabago, Davao City Mayor Sarah Duterte Carpio nga moundang sa pagpangulo sa giporma niya nga regional nga partido tungod sa kakapoy. Kun mao, wala diay magkahugpong ang pagbabago? Unsa man ang bati-on sa mga miitsa sa ilang kalo sa politika ning moabot nga Mayo 13 nga piniliay tungod sa pagtoo nga sabakon sila ug ubanan ni Mayor Sarah hangtod sa ilang kadaugan, dili ba sila magmahay?

Pagkaluoy sa mga kandidato sa hugpong nang pagbabago nahisama sa mga pasahero sa barko nga naglabigar sa lawod-lawod nga kadagatan nga dili kaayo nila pamilyar apan kalit nga gibiyaan sa kapitan nga mao lang ang bugtong nilang gisaligan nga makaabot sa ilang padulngan. Makakaon na kaha ni sila og tagam?

* * *

Dili lang kausa kun dili sa makadaghan na nga higayon nga gibugalbugalan ni Presidente Rodrigo Roa Duterte ang gituohan nato nga Ginoo. Dili kaha siya gabaan? Aw magpaabot lang ta kay giingon man nga ang gaba dili magsaba. Ang problema lang kay ang atong Ginoo dili man madinumtanon, dili pariha sa kang Digong.

DENNIS ORCULLO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with