Sapot ni Gadon
LINTUNGANAY - Fred Languido (Banat) - March 20, 2019 - 8:34pm

Napikal ang usa ka kandidato pagkasenador atol sa forum nga gipasiugdahan sa Mega Cebu sayo ning semanaha.

Wala ka pugong si Atty. Larry Gadon sa iyang kaugalingon dihang usa sa mga estudyante nga mitambong sa forum ang misiyagit ug mihingalan niya nga bakakon samtang siya mitubag sa pangutana nganong alang niya way corruption atol sa pamunoan sa kanhi diktador nga si Ferdinand Marcos.

Matud ni Gadon nga mas minus ang budget sulod sa kinatibuk-ang 20 ka tuig nga pamunoan ni Marcos itandi sa unom ka tuig ni kanhi presidente Corazon Aquino apan daghan ang mga proyekto nga natukod ni Marcos.

Kini maoy iyang rason nganong alang niya dili kurakot si Marcos.

Tingali wala makumbinsir ang tinun-an hinungdan nga siya gisinggitan nga bakakon.

Sa iyang kalagot mibawos si Gadon ug ginganlan nga “bogo” ang estudyante. Midemanda siya sa organizer nga guyoron paingon sa gawas ang tinun-an kay kun dili siya maoy mogawas.

Iya sab nga gibalikbalik paglitok nga mas importante siya kay sa maong tinun-an.

Dili husto ang gihimo sa estudyante nga pagbinastos. Apan labaw nga di husto alang sa usa ka kandidato nga nangulitawo sa mga botante ang gihimo ni Gadon.

Sa iyang gibuhat ambot duna pa ba kahay usa nga didto mitambong sa maong forum ang mobotar niya.

Sa iyang gihimo mas “bogo” siya kay sa estudyante nga iyang ginganlan nga bogo. Sa iyang gipakita nga batasan nga magpatahod, wala siyay angay nga tugyanan sa mandato. 

Ang taras nga iyang gipakita naghatag og timailhan sa posible niyang pagpangabuso sa pwesto.

Kun siya hambugero ug mapahitas-on nga wala pa sa katungdanan unsa na kaha og siya mahatagan sa mandato?

Busa mentras dili pa awahi ang tanan angayang di hatagan sa katawhan og kahigayonan nga makahupot og pwesto ang mga kandidatong barumbado sama ni Gadon.

Labi pa nga baliko ang iyang paminsar. Tiaw mo bisan sa mga hukom sa korte nga nagmatuod nga dunay gikawat nga kwarta sa gobyerno ang pamilyang Marcos, alang niya santos lang gihapon ang kanhi diktador.

GADON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with