Dear Atty. Divine,
Duna koy pangutana may labot sa akong birth certificate kay ang nationality nga nabutang sa akong papa sa akong birth certificate mao man ang lugar nga iyang natawhan instead nga Filipino. Mokuha man gud unta ko og passport, ang akong pangutana kun di ba kaha ko magkaproblema niini. Kun ako ning ipa correction asa nako kini i-file? Daghang salamat. —Jona
Dear Jona,
Posible gyud nga masangit ka ini’g kuha nimo og passport kay ang nationality usa na sa labing importante nga entry sa atong birth certificate kay diha man mahibaw-an kun unsay nationality sa atong parents . Apan pwede gihapon ka mosuway sa pag-apply sa pagkuha og passport kay kun insakto ang entry sa nationality sa imong mother sa imong birth certificate basin mo-consider ra niana ang Department of Foreign Affairs or DFA. Apan kun makit-an gyud sa DFA ang sayup nga entry sa nationality sa imong papa og mo-require gyud sila nga ipa-usab then mapugos gyud ka sa pagpa-usab niini pinaagi sa pag-file og petition ngadto sa korte sa lugar diin ka marehistro. Basta mag- involve na gani og nationality, year of birth ug apelyido ang usbon sa birth certificate adto gyud na siya i-file sa korte og magkinahanglan gyud ka og abogado alang niini. Thanks and God bless.—Atty. Divine
Alang sa inyong pangutana ipadangat lang pinaagi sa email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.