Dear Atty. Divine,
Duna koy pangutana labot sa akong first name. Ang akong gigamit nga pangan sukad sa gamay pa ko Romy apan ang akong first name nga anaa sa akong birth certificate kay Romeo. Ang akong school records, SSS, Pagibig og Philhealth pareho og pangan Romy. Ang akong pangutana kun dapat pa ba nako nga pakurihian ang akong birth certificate ? Daghang salamat. —Romy
Dear Romy,
Kinahanglan gyud nimong ipausab ang imong first name sa imong birth certificate gikan sa Romeo ngadto sa Romy aron magtakdo ang tanan nimong records. Kay kun mokuha ka og passport magkinahanglan man ka og birth certificate ug kun mo-retire sab ka magkinahanglan sab og birth certificate. Busa kun di pareha ang imong gigamit nga pangan ug ang imong birth certificate hayan magkaproblema ka unya sa pag-retire ug sa imong pagkuha og passport. Ang maayo nimong buhaton karon mao ang pag-process sa pag-usab sa imong first name sa imong birth certificate ngadto sa Local Civil Registrar diin ka marehistro. Thanks and God bless. — Atty. Divine
Alang sa inyong pangutana ipadala lang pinaagi sa email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.