Dear Atty. Divine,
Duna koy pangutana labot sa akong date of birth. Ang akong gigamit nga birth date sa akong SSS, PhilHealth, Pagibig og sa akong school records, August 21,1973, karon pagkuha nako og Birth Certificate sa PSA ang nakabutang didto nga date of birth nako kay August 21, 1971 man diay.
So sayup diay ning akong year sa date of birth sa akong mga dokumento?
Unsay angayan nako nga buhaton aron magka pareha ang akong birth date sa akong mga record? Daghang salamat.
Jun
* * *
Dear Jun,
Mas maayo nga imo gyung sundon kon unsay date of birth nga nakabutang sa imong Birth Certificate. Busa ang imong ipausab mao ang imong records sa SSS, PhilHealth, Pagibig og ang imong school records. Mas dali kini nga buhaton kay need ra man ka mo-request nga imong pakurihian imong year sa birth date ug imong ipakita ang imong birth certificate gikan sa PSA aron pagmatuod nga mao nay saktong tuig sa imong natawhan.
Kay kun ang imong birth certificate ang imong usbon mas dugay kini kay moagi pa man ka sa korte kay nag-involved man kini sa imong edad so mas gastos kay mokuha pa ka og abogado ug mas dugay sad ang proseso.
But kinahanglan gyud nimong lihukon ang pag-usab sa imong records aron nga mo-match sa imong birth certificate ug aron dili ka masangit inig retire unya nimo.
Thanks and God Bless.
Atty. Divine
* * *
Alang sa inyong pangutana, ipadangat lang pinaagi sa email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.