Usa ka sakop sa Brothers of Saint John Community ang akong gikahinabi sa may Capitol Parish. Sa makadaghang higayon niapil siya og marathon. Sa makadaghang higayon anaa ra pud siya sa sulod mohimo og mga yanong buluhaton. Alang kaniya dili na mahimong mohimo pa kita og mas dinagkong mga butang aron lang makaalagad. Ang yanong binuhatan sa pagpangalagad sama pananglit sa pagluto, pag-ayo sa mga makina ingon man ang pagduaw sa mga silingan pangalagad na alang kaniya. Ning paagiha nahimaya niya ang Dios bisan pa man kun sa sulod sa monasteryo siya nagpundo lamang ug nagpaabot sa mga sugo nga kaniya imando.