Uwanon ang Pista Senyor, lagmit ma-cancelled ang fluvial procession. Mao kini ang pasidaan o forecast sa PAG-ASA.
Sabado, Enero 19, bisperas sa kahulogan sa fiesta. Sayo pa, daghan nang mga tawo ang nag-atang sa mga pantalan, naghuwat sa fluvial procession, diin sukwahi sa forecast sa PAG-ASA, niinit man. Nindot kaayo ang panahon, linaw kaayo ang dagat. Nagmalampuson ang fluvial parade, lakip na sa re-enactment sa kasal ug sa mass baptism, hangtud nahuman ang Santos nga Misa.
Medyo midag-um og gamay sa udto, ug sa dayon nang sugod sa solemn procession, mobalik ang PAG-ASA pag-ingon nga magtutaligsik na, ug toward evening, mag-uwan-uwan na. Pat-ak pat-ak nga uwan. Natapos og sayo ang procession, giingon nga gitambongan sa kapin 1.5 nga mga deboto.
Bisag usa na lang ka lusok sa ulan ang mibalda sa kaikag sa mga devotees pagdayeg ug pag-glorify sa Batang Hesus, hangtud nga natapus ang procession.
Pagkagabii, nibalik ang pasidaan nga uwanon ang Sinulog grand parade, labi na nga naghabuhabo sa pag-Misa tapus sa procession.
Tuod man, nag-ulan sayo sa buntag, kay si Amang misulod na sa area of responsibility sa atong nasud.
Matag sulod nganhi sa atong nasud sa usa ka dautang panahon, isipon man dayon kini nga nasulod na sa atong area of responsibility (AR).
Anyway, towards late morning, mikalma si Amang, hangtud na pagkatapus sa Sinulog festival sa mga alas 8 na sa gabii. On the whole, nindot ang panahon sulod sa kinatibuk-ang pagsaulog sa Pit Senyor, despite sa hulga ni Amang. In fact, hangtud na pagka-Lunes nindot gihapon ang panahon.
Kahibawo mo, nakahunahuna ko nga gawas sa PAG-ASA, adunay laing weather station dinhi sa dakbayan sa Sugbo: ang Sto. Niño Weather Station. Ako ra ni ha, bunga lang ni sa wild nakong imagination.
Kining maong weather station ni Sto. Niño, gawas nga mo-forecast usab kini, mopugong og mosanta usahay sa bisan unsa nga katalagman nga mosulod sa atong dapit.
Ang iyang pag-forecast, dili ipaagi sa media kundili, idiretso nganhi sa tagsatagsa kanato, segun sa kainit sa atong pag-ampo.
Unya, dili kay mo-forecast lang, kun kinahanglanon man, mosanta sa dautang panahon. Mao kini ang nahitabo pag-fluvial procession, pag-foot procession, ug pag-Sinulog.
So, next time around, listen also to the silent forecast of the Sto. Niño Weather Station. Aron dili ta mahinayak pag-suspend sa mga klase, paglikay sa baha, pag-deploy sa atong mga kahimanan ngadto sa kabukiran, ug ubang matang sa pagpangandam.