Mga remedyo sa naghubag nga spleen (1)
HIMSOG NGA KASAYORAN - Pons M. Abatayo (Banat) - January 13, 2019 - 12:00am

Unsa ba ning “spleen’ o pali sa Cebuano?  Usa ni ka gamay nga glandula nga ingon sa komo (fist) ang gidak-on, nahimutang sa walang bahin ilawom sa tiyan. Daghan ni’g trabaho nga kaabag sa nagpagana kabahin sa lymphatic ug sa imyun.

Ang spleen maoy gitahasan sa pagsala (filter) sa dugo, pagprodyus ug pagpundo og mga pulang selyula (red platelets), aron sa kanunay mamintinar ang kahimsog sa dugo, nga mailisan kadtong mga selyula sa dugong di na kaayo kapuslan sa lawas. Moprodyus sab ni’g puting dugo nga maoy unang moresponde batok sa impeksyon.

Ampinganan ang spleen, kay apektado ning modaku kon magkasakit kita, nga sagad wala tay mabati nga sintomas.

Gani kita mismo wa masayud nga tingali nihubag na ang atong spleen, kay ang una lang nga kumon nga mabatyagan ang kaluyahon sa lawas, labi nang wala ta sa maayong kondisyon.

Hinuon kun mainutil ang spleen nato unya operahan o kuhaon kini, mabuhi gihapon ta apan dali ra kita nga magkasakit ug ma-impeksyons.

Laing surpresa? Nadiskubrehan sa pagdukidki, nga 3% sa mga estudyante sa unang tuig nila sa hayskol, nakasinati nang nihubag ang ilang spleen. Mahimong sa ubang kaso nagtumbok na nig problema sama sa nag-umidong impeksyons, balatian ug ubang kadaut sa lawas.

Hinuon naa may daghang paagi matambalan ni, labi na sa natural nga paagi alang niining partikular nga kondisyones.

Ang nihubag nga spleen ginganlan nig ‘splenomegaly’ sa terminong medikal. Usa ni sa senyales nga nagpasidaan (warning signs), nga ang imyun, dili na makasugakod o menus na sa katakos nga epektibo sa pagsanta sa hulga batok sa mga virus ug impeksyons.

Kun dili ni dayon madiskitahan, mahimong mosangpot kini sa daghang motumaw nga hinungdan sa lawas nga masakiton.

SPLEEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with