Aron makatulog dayon nga presko inigbangon (2)
HIMSOG NGA KASAYORAN - Pons M. Abatayo (Banat) - October 21, 2018 - 12:00am

Unsaon man ang pagpreparar niining mga ingrediyentes ? – Kini magamit sa duha ka paagi sama sa mga mosunod;

* Opsyon # 1 — Sagola pag-ayo ang lana sa lubi ( cold compressed extra virgin oil) ug ang puro nga dugos (pure honey) ug ang asin. Ighuman imnon kini unya patabani sa pag-inom og usa ka baso nga tubig, para matulon ang solusyon.

* Opsyon # 2 — Imna direkta ang lana sa lubi ( cold compressed extra virgin coco oil ) ug ang puro dugos (pure honey). Dayon moinom og tubig nga gisagolan og asin (sea salt o rock salt), aron masayon nga matulon ang solusyon.

Kon ugaling dili ka pa gayud makatulog, nga magsige gihapon nga makamata , nagkinahanglan pa kini nga modugang sa pagkonsumo og laing ‘dosage’, sa ingon nga sud sa 20-minutos makatulog ka na ana.

Ania ang pagpasabot ngano nga epektibo kini, nga mopaalibyo sa problema sa dili makatulog. Sama sa lana sa lubi (extra virgin coco oil) – Ang makahimsog nga tambok (healthy fats) ini, maoy nagtrabaho aron nga mahinanokon kita nga makatulog, ug nga inig bangon sa buntag, dili kita bation og gutom. Ang lubi maoy mosuspende sa pagsaka sa lebel sa ‘bloodglucose’, mao nga di sab kita makatulog.

Ang sa puro dugos (pure honey) mao sab ang moandam sa lawas nga makatulog kitag maayo. Kay nagbaton kinig igo nga ‘glycogen’ nga gikinahanglan sa utok, aron ikapagawas ang mga ‘stress hormones’, nga mao say hinungdan nga sa tibuok gabii mag-alindasay kita nga walay maayo nga kinatulgan.

Sa lain nga bahin, ang asin usab maoy mopaus-os sa lebel sa ‘stress hormones, ug pabaskugon ang produksyon sa enerhiya sa lawas, nga maoy responsable nga inig mata nato sa buntag, baskog o piskay gihapon ang kondisyon sa atong lawas.

INIGBANGON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with