Mamahimo bang mataktak ang empleyado nga ubos sa probationary status?
LEGAL CORNER - Atty. Divine Flores Marcial (Banat) - August 11, 2018 - 12:00am

Dear Atty. Divine:

Nagtrabaho ko sa usa ka company isip sales agent. After 3 months of working with my company ila kong gipapirma og contract for 6 months nga diin ila kong gibutang sa probationary status. Next month na matapos ang akong 6 month probationary period but nakadawat ko og notice lately informing me nga kutob na lang ko sa August 30 kay wa daw ko mo-qualify aron ko mamahimong regular employee kay ubos daw kaayo ko og sales. Nakurat ko sa gihimo sa akong company kay sa dihang ila kong  gi-hire wa man sila maghisgot nga duna mi quota. Mamahimo ba diay na nga di lang ta pahibaw- on sa company kon unsay ilang standards aron mamahimong regular ang usa ka empleyado? Unsay angay nako nga buhaton? Daghang salamat. — Nadia

* * *

Dear Nadia:

Ang usa  ka empleyado nga ubos sa probationary  status mamahimo gihapong tangtangon  sa company base sa  just cause or authorize cause nga  nalatid sa Art. 295 sa atong Labor Code. Apan aduna pay ikatulong basehan aron  nga mataktak ang empleyado ubos sa probationary status  ug kini mao kon wa siya mo-qualify sa pagka-regular employee base sa gilatid nga reasonable standards sa company provided nga kining maong standards gipahibawo daan sa company ngadto sa empleyado nga anaa sa probationary status atol sa pag-hire  kaniya. Buot ipasabot nga  from the time nga gi hire  ang employee nasayod na siya daan kon unsay standards sa company aron mamahimong regular ang empleyado. Mao nay giklaro sa Implementing Rules sa Labor Code. Busa sa imo nga kaso kon wa ka pahibaw-a nga naa diay moy quota atol sa pag-hire nimo then way basehan ang imong company sa pagtaktak nimo  kay wa man siya makatuman sa gilatid sa balaod busa makonsiderar ka nga regular employee after sa 6 months nga probationary period . Ang imong buhaton karon mao ang pagpasaka og reklamo ngadto sa DOLE batok sa imong company aron sila ipatawag ug aron mo mag-atubang og mag-areglo. Thanks and God bless. — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.

PROBATIONARY STATUS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with