EDITORYAL - Mabawi pa kaha ang WPS?
Edwin Ian Melecio (Banat) - July 16, 2018 - 12:00am

Naghimo karon og imbestigasyon ang kapolisan pagsubay ug pag-ila kon kinsa ang responsible sa pagkatap nianang mga tarpaulins sa nagkadaiyang dapit sa Metro Manila nga dunay nakaprinta nga “Welcome to the Philippine, Province of China.”

Ang maong tarpaulins nadiskubrehan atol sa ikaduhang anibersaryo sa kadaogan sa Pilipinas sa “legal battle” sa Arbitral Tribunal niini batok sa higanteng nasud sa China mahitungod sa West Philippine Sea.

Ang 90 porsiyento sa maong lugar giangkon sa China nga ilaha base lang sa hinimo-himo nga karaang mapa. Apan nagmadaugon ang Pilipinas sa kaso nga gisang-at sa panahon pa ni PNoy.

Imbes nga mag-usik og panahon pagpangita kon kinsa ang nagsab-it adtong mga tarpaulins, nganong dili nalang buhaton ang panawagan sa katawhan nga pagbarog sa dungog sa Pilipinas batok sa gipanghimo sa China sa teritoryo niini?

Gawas sa TRAIN Law nga maoy gitumbok nga nakapasaka sa presyo karon sa mga batakang palaliton, kaning isyu sa maritime dispute diha sa West Philippine Sea nga bugnaw og pagtagad ang presidente.

Nagmadaugon na unta ang Pilipinas apan ang mas init nga pagdapig ni Duterte ngadto sa China maoy nakapatibugsok sa iyang popularidad karon.

Nagmagahi si Duterte paghimo og mga lakang aron mabawi sa Pilipinas ang kontrol sa maong mga lugar nga gitukoran na sa China og pito ka mga artipisyal nga mga isla nga gibutangan og pasilidad sa militar sama sa tugpahanan ug naval base.

Ang iyaha lamang rason, “masakiron” ra sa China ang mga sundalong Pilipino. Tinuod kini, apan wala man sa hunahuna sa militar nga gubaton ang China, kondili ang pagpadayon ra man pag-pressure kanila base sa international law.

Ang mga batid sa pamalaod nabalaka nga sa kadugayan mawagtangan na og katungod ang Pilipinas sa maong mga dapit kay wala na kini epektibong kontrol sa maong mga lugar.

Siguro nagngislit karon ang China sa mga nahitabo sa Pilipinas karon kay mismo ang presidente sa Pilipinas mao ang ilang kaalyado.

 

ARBITRAL TRIBUNAL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with