Kini gyud ang kinaiya sa tawo malisud alang niya ang pagpakabuhi kun wala siya’y kuyog. Mao kini ang hinungdan kun nganong daghan nato ang mangita gyud og kuyog. Kini tungod kay ang kinabuhi kuno wala’y kuyog. Ang Dios, Dios nga katilingbanon. Dunay tulo ka persona sa usa lamang ka Dios ug matag usa dunay kalambigitan sa usa’g-usa. Kun kini ang gipakitang kinaiya sa atong Dios unta kini ang mamahimo pud natong kinaiya. Diha sa paghunahuna sa panginahanglan sa uban ingon man ang paghunahuna og maayo alang sa uban nan mahimo nato ang atong tawhanong kalibutan ingon nga nindot puy-an. Pinaagi niini unta makita nato ang bili sa pakiglambigit dili tungod kay may mapaabot kita kun dili tungod kay mapasalamaton kita nga nahatagan og kahigayonan nga magpakabuhi pa sa paagi nga normal ug tawhanon. Katilingban sa mga tawo nga naghatag og kahulogan sa usa’g-usa ug dili ang katilingban nga wala’y pagpakabana sa usa’g-usa.