^

Banat Opinyon

Lingi sa kasaysayan

LABTIK - Alan Domingo - Banat

Pagbalik tan-aw sa mga lama sa atong kasaysayan nga giagian sa atong katigulangan hangtod naabot kita sa atong gipadulngan karon.

Karong alas 6 sa gabii buksan ang programa sa Gabii sa Kabilin hangtod na sa tungang gabii sa nagkadaiyang museum sa Sugbo.

Adunay 27 ka museum ang mahimong sudlon sa katawhan nga gustong molingi sa ilang gigikanan.

Kining programaha dako kaayo og ikatabang sa pagpukaw sa katawhan ilabi na sa kabatan-onan nga halos nawagtangan na og interest sa history.

Sa matag museum adunay pasundayag diin ipakita ang mga pamatasan, besti ug uban pa nga maoy gihuptan sa atong katigulangan.

Aduna usay mga luto-luto diin matilawan ang mga putahe sa mga pagkaon nga gibayang sa talad kan-anan kaniadto.

Ang mga tawo murag mobiyahe balik sa kanhiay’ng panahon nga mosakay usab sa mga tartanilya palibot sa dakbayan diin nahimutang ang mga museum.

Apan kadtong moadto sa mga museum o heritage site nga anaa sa Talisay City, Mandaue City ug Lapu-Lapu City dunay mga bus nga masakyan.

Kini ang ika dose ka tuig sa pagpahigayon sa Gabii sa Kabilin diin ang tema mao ang “Balangay” isip pagpasalamat sa atong pre-colonial roots diin ang balangay maoy gigamit nga sakyan sa pag hatod sa mga tawo tabok sa dagat ngadto sa laing isla. Pagpangandam usab kini sa ika-500 ka tuig sa pag-abot ni Ferdinand Magellan sa Sugbo nga mahitabo tulo ka tuig gikan karon.

Dakong hagit natong tanan ang pagkat-on sa leksyon sa atong kasaysayan apan gikinahanglan nato nga lingion ang atong gigikanan aron masabtan nato nganong ania kita karon sa atong nahimutangan.

 

 

KASAYSAYAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with