* Lemon juice — Ang duga sa prutas nga lemon ug ang panit niini, dasok sa antioxidants ug mga nutrens nga makapaalibyo sa problema sa almoranas. Mahimo ni konsumohon nga sagolan og honey, o kaha mahimo sab bas-on ang gapas nga ipahid sa namudlot nga almoranas.
* Ahos ug sibuyas bombay — nasulayan na kini nga paagiha sa pag-alibyo sa almoranas. Tungod kay moaway ni batok sa bakterya, ug sa nanghubag nga butbot (veins). Ang paggamit niini, ipaslak ang lusok sa ahos ug hiwa sa sibuyas bombay ngadto sa kibot o lubot, sa dayon og katulog. Ayaw kabalaka niini, kay molugwa ra kini inigpagawas nimo sa hugaw.
* Epsom salt ug glycerin — Wala kaayo kini mauso dinhi sa atoa, apan epektibo kaayo ning pang-alibyo sa almoranas. Gamita ang ‘compound’ nga iaplay sa naghubag nga parte. Magsagol og 2 ka kutsara sa ‘Epsom salt’ ug 2 ka kutsara sa ‘glycerin’. Inighuman, ihanig kini sa gaza (gauze pad), dayon ihaklap sa lubot nga apektado sa almoranas. Pasagdi sulod sa 15-20 minutos. Sublia ni kada 6 ka oras.
* Zitz bath — Naay baligya niini sa botika, o sa nagbaligya og mga kahimanan sa panambal. Mohaum kini nga ibutang sa inedoro. Butangan og init-init nga tubig, nga igo gyud mahumol ang lubot, nga makarelaks sa almoranas nga nanakit ug sa kakatol.
* Aloe vera — mas maayo gamiton ang presko nga laput-lapot nga unod sa tanom nga aloe vera, nga maoy ipaghid sa apektado sa almoranas. Ang nabatonan nga ‘anti-inflammatory’ sa aloe vera, makapahupay sa kahasol sa almoranas.
Mas maayo sab nga masulayan kon hain ang mauyonan ninyo.
Pero, ang angay nga buhaton gyud, mokaon sa pagkaon nga dasok sa ‘fibers’, sa ingon mohumok ang hugaw nga komportable aron dili makagasgas sa butbot ug makamugna og almoranas.