Una sa tanan, mao ni ang spelling sa Mar-di gras sumala sa English dictionary. Ato ning hisgotan pag-usab dinhi, in fact, kada tuig ato ning kahisgotan tungod kay duna pa’y pipila ka taga-media nga ganahan gyud mosing-al og Sinulog Mar-di gras.
Ambot ngano, tungod ba kaha kay nindot paminawon ang pulong Mar-di gras idugang sa pulong Sinulog, o aron ingnon nga ngilngig silang mo-Eningles
Whatever, sa makausa pa, ania ang kahulogan sa pulong Mar-di gras: “last day before Lent, celebrated in New Orleans with festivities,” sumala sa Modern American Dictionary. Sa ato pa, katapusang adlaw sa dili pa ang Cuaresma.
Unya ang Lexicon Webster Dictionary, mihatag usab ning kahulogan: “Shrove Tuesday, the last day of the Carnival, celebrated in Paris, New Orleans & other cities.”
Shrove Tuesday means the day before Ash Wednesday. Sayud man ta nga Ash Wednesday maoy sinugdanan sa Lenten Season sa Catholic calendar.
Mangutana ta nganong ma-Mar-di gras man ang Sinulog? Ang Mar-di gras, sumala sa atong makita sa mga movies, purely kiatkiat. Ang Sinulog dili. Kiatkiat ba gud ang pagsinulog sa mga tindera sa kandila?
Usa kini ka dance offering, pag-ampo. Sa ato pa, usa ka religious rite, sangpit pangaliya kini ngadto ni Santo Niño, definitely dili kiatkiat. Maoy hinungdan nga ang mga participants sa parade, uban sa Sinulog steps, ilang isayaw ang imahen ni Santo Niño.
By the way, dili kaayo ko mogamit sa pulong señor tungod kay matud sa akong higala nga nakaduaw sa Espanya, ang kahulogan sa Señor either Sir or Mister. Sa ato pa, bakikaw kon moingon ta nga Sir o Mister Santo Niño. Sa Eningles Holy Child ra, walay Sir o Mister, walay adjective, ug kon mogamit gyud tag señor, kay bata man, Señorito Santo Niño, or Pit Senyorito! Kataw-anan no?
* * *
By the way, ang ideya o tuyo ni kanhi Customs Collector Boy Odilao pagpasiugda sa Sinulog Parade, mao ang pagdala ngadto sa kadalanan sa pagsinulog sa mga tindera sa kandila nga diha ra atbang simbahan.
Gi-introduce kining maong ideya ni Odilao ngadto sa mga sakop sa Association of Regional Executives of National Agencies (ARENA 7)-Region-7, hinungdan nga usa sa aktibong nagpasiugda niini mao ang ARENA-7. Ang unang Sinulog parade gihimo sa 1980 nga gisalmotan sa pito o walo lang ka unibersidad, ug diha ra magsayawsayaw sa kadalanan libot sa simbahan.
Sa 1980 Sinulog souvenir program, gigamit namo ang ulohan: Santo Niño de Cebu, kay daghan man nga Santo Niño sa tibuok nasud.