Editoryal - Asa mopusta ang Malacañang?
Edwin Ian Melecio (Banat) - January 12, 2018 - 12:00am

Doble kara. Mao kini ang dagway nga gipakita sa China sa mga silingang gamay nga nasud. Diplomasya ug kinawat-kawat nga pamaagi sa pagpangilog niini og teritoryo diha sa West Philippine Sea. Mao kini ang gibuhat sa China diha sa Spratly Islands nga sakop sa lungsod sa Kalayaan sa probinsya sa Palawan. Ang kaniadto abunda nga kadagatan nga makuhaan sa mga Pilipino og isda, gihimo na nila karong artipisyal nga mga isla.

Dihang mikisikisi ang Pilipinas ug ang ubang mga nasud, partikular na ang Amerika, miinsister ang China nga “peaceful” ang katuyoan sa gihimo nilang mga isla. Pito ka kagasangan kaniadto nga sakop sa teritoryo sa Pilipinas, gihimo na nilang mga isla. Sa sinugdanan, sila miingon nga pang-sibilyan lang ang katuyoan niini, ug dili nila gamiton sa ilang pwersa militar, apan samtang sila nakig-diyalogo, hinayhinay na nilang gipalig-on ang ilang mga pasilidad sa maong isla ug karon usa na ka kompletong base militar.

Ang gobiyerno kaniadto ni Benigno Aquino III, nakigtigi ug miabot gyud sa arbitral tribunal ug ang desisyon pabor sa Pilipinas. Apan paglingkod ni Duterte, gipadaplin lang kining desisyon ug masaligon sa saad sa China, apan nituman ba ang China sa ilang panaad? Tinuod, dili sa panahon ni Duterte nagsugod ang konstruksyon sa maong mga isla, apan ang pagpadayon ug paghimo na sa China nga usa ka base militar sa Kagitingan Reef, gihimo man human nga ang mga lider sa duha ka nasud nagkasultihanay.

Niprotesta ang Department of National Defense kay direkta kining hulga sa national security sa Pilipinas, ilabi na sa Pagasa Island. Apan imbes nga suportahan sa Malacañang ang lakang sa DND, daw gipanalipdan pa hinuon nila ang gibuhat sa China. Nganong ingon man niana kadali nga mitingog ang tigpamaba sa presidente nga kuno wala sila’y nakitang daotan sa gibuhat sa China? Sa ato pa mas gituohan nila ang China, imbes ang DND?

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with