Gihimo ang Alumni Homecoming niadtong nakatungha sa tulo ka Archdiocesan Seminaries sa Sugbo ang Seminario Mayor de San Carlos, San Carlos Seminary College, ug St. John XXIII Minor Seminary. Ang nahimong guest speaker mao si Jimmy Bellita, CM. Iyang gisaysay ang kasinatian niya sa iyang pagpuyo dinhi sa Sugbo ingon nga rector sa maong seminaryo. Gani sulod sa iyang talk iya pang gihimo nga mapakita ang class record niya kaniadto. Nindot ang maong presentation. Makakatawa gyud ka sa iyang pagpaambit apan labaw sa tanan iyang gipaambit ang kalabot sa Kenosis kun ang Self Emptying Experience sa mga Padres Paules sa ilang pagbiya sa Seminaryo aron mangalagad. Gani wala sila’y kaugalingong property nga napalit ug napanag-iya sa ilang pagpuyo dinhi. Nindot ang maong sanglitanan nga dili gyud diay maayo nga mamahimong attached ra kaayo sa bisan unsang materyal ug unta kini ang pagasundon sa kaparian.