Brgy Japitan, Barili, Cebu
MR. BARANGAY - Jun Veliganio (Banat) - August 30, 2017 - 4:00pm

“Mamalihug kami sa mga opisyal sa lungsod, labi na sa municipal health office, nga ipasusi kining pantalan namo diri kay pwerte na man lang g’yud nga bahoa tungod sa piggery. Gusto namo mahibaw-an kon duna ba kini permit.”

Brgy Buaya, Lapu-Lapu City

“Kining sa Saac 1 kay daghan man gihapon ang among nahibaw-an nga namaligya’g shabu, labi na kining dapit sa baybayon kay daghang mga batan-on ang mamalit ug ang uban adto pa g’yud manuyop.”

Brgy Mactan, Lapu-Lapu City

“Naunsa na man intawon kining basura diri sa Sitio Soong sa may lugar sa Bato nga hapit na man tulo ka buwan nga wala g’yud kolektaha. Baho na kaayo.”

Brgy Ocaña, Carcar City

“Ang among reklamo diri sa Sitio Puste kay nagkadaghan na man ang nagumon sa illegal drugs, wala may nakabadlong nga mga opisyal sa barangay ug kapolisan. Ang mga opisyal namo wa’y pakabana kay ang uban nila naa lang ang nawong sa madjongan.”

Brgy Guinsay, Danao City

“Dugay na g’yud kaayo namong pinaabot nga maayo na ang mga suga diri sa poste sa among lugar, labi na sa Sitio Cogon. Kanus-a man kini lihokon, kon hapit na ang election?”

Brgy Tisa, Cebu City

“Naunsa na man intawon diri sa among barangay, ang mga tanod ug mga polis wala may gihimo sa daghang mga akyat bahay. Sige ra man sila og lingkod sa barangay hall.”

Brgy Pahina-Central, Cebu City

“Kining dapit sa Citylink kay naay balay diha nga gihimong suyopanan ug abtananan sa mga adik. Mailhan g’yud sila kon masabog na sa illegal drugs, saba kaayo, labi na kon magkadlawon ug halos dili kami makatulog.”

Brgy Talamban, Cebu City

“Kining Sitio Kapasar sa Tac-an dapit kay grabe na ang pagdagsang sa shabu diri ug wala’y nakadakop kay giingong anak sa tanod ang usa sa mga namaligya’g shabu. Dugay na kaayo ni namo nga nabantayan.”

 

Brgy Calamba, Cebu City

“Paita na karon sa taga VECO uy, wala na man magpakabana niining mga illegal tapping sa kuryente diri sa among lugar. Nagsalig na lang kini sila nga ang magbayad sa mga illegal tapping mao ang mga tawo gihapon, dili kadtong mihimo’g illegal tapping.”

Brgy Liboo, Ronda, Cebu

“Maayo unta og maaksyonan dayon ang problema sa karsada diri sa Upper Liboo kay dugay na kaayo kini namo nga problema. Midako na lang ko, pero wala g’yud ko makabantay nga gipasemento kini sa gobiyerno.”

 Alang sa inyong reklamo text lang sa 09083006702

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with