Kini ang reyalidad nga lisud kaayo natong atubangon ug gani daghanan kanato ang nahadlok man niini. Si Jesus human masayod nga namatay ang iyang higala nga si Lazaro niadto ug diha sa pagpakita sa iyang pagbati siya nihilak ug natandog. Apan wa siya magpabilin didto, hinunoa iyang gibanhaw si Lazaro. Nagpasabot lamang kini nga ang kinabuhi di mahimong tapuson diha sa kamatayon. Ang kamatayon hinunoa maoy pagkahimugso sa kinabuhing dayon. Husto si John Paul II sa iyang pag-ingon nga kita mga Easter People ug ang Alleluia mao man ang atong awit.