EDITORYAL - Drugas problema sa tanan
Edwin Ian Melecio (Banat) - March 12, 2017 - 12:00am

Makaalarma gyud ang pamahayag ni Presidente Duterte nga ang Sugbo mao ang numero uno, ug maoy adunay labing daghan nga tiggamitan og ilegal nga drugas sa nasud. Apan dili na man siguro angayan pa nga kuwestiyonon kun unsa’y gibasehan sa presidente nga nakasulti siya niini.

Dili pud tingali mosulti si Duterte ug ingon niini kun wala siya’y gibasehan. Isip presidente sa nasud, aduna gyud siya’y mga inpormasyon gikan sa nagkadaiyang mga rehiyon ug probinsya sa nasud. Base pa lang sa gidaghanon sa mga drug personalities nga nadakpan, napatay, mga nitahan sa kaugalingon ug kadtong anaa pa sa intelligence reports nga wala pa madakpi.

Busa, imbes nga kuwestiyonon ang pamahayag sa presidente, mas maayo tingali nga mangutana sila kun asa nga dapita sila angay motutok sa kampanya kontra ilegal nga drugas. Dako kining hagit, dili lang sa law enforcement agencies, kun dili, lakip na sa mga local government units gikan sa barangay level hangtod provincial level ug sa katilingban mismo nga maoy target sa mga sindikato sa drugas.

Pagkakaron, bugtong mahimo sa mga LGUs mao ang pagsuporta gyud sa kampanya, sama sa paghatag sa listahan sa mga gidudahang durugista sa ilang lokalidad. Sunod nga ilang buhaton mao ang paghimo gyud og mga programa bisan wa pa’y suporta sa probinsya o nasyonal nga kagamhanan pinaagi sa pag-tap sa mga non-government organizations o sa simbahan alang sa drug recovery, rehabilitation, livelihood sa mga gusto nga mag-usab.

Samtang sa papel sa yano nga mga residente, mahimo silang mutabang pinaagi sa sekreto nga pag-report sa mga otoridad kun kinsa ang mga silingan nila nga nalambigit sa illegal drugs. Ang mga otoridad usab kinahanglang mosunod gyud sa balaod ug gamiton ang ilang kaalam sa imbestigasyon una molusad og mga operasyon aron wa’y mayatakan nga katungod sa mga inosente. Kun dunay usa lang niini nga hut-ong ang dili molihok, dili mulampos ang kampanya.

PRESIDENTE DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with