^

Pinangga gyud sa Senyor Sto. Niño

ARTIKULO - Machete Sioux (Banat) - January 16, 2017 - 12:00am

Malampuson kaayo nga napahigayon ang Pista Senyor ug ang Sinulog kagahapon. Gani angay dayegon ang mga opisyales sa siyudad, simbahan ug kapolisan sa malampuson nilang mga pagpangandam nga gihimo.

Makaingon ta nga tinuod gyud nga grabe ka pinangga sa Senyor Sto. Niño ang mga deboto ug ang mga Sugboanon. Si Cebu Arsobispo Jose Palma mismo miingon nga bisan ang dagat niadtong fluvial procession gipakalma sa Senyor pagsugod sa prosisyon.

Atol sa Solemn procession hapon sa adlaw nga Sabado taligsik ug panagsang pag-uwan lamang ang nasinati . Apan kagahapong adlawa pwerte ka hayag sa langit, bisan tuod adunay dag-om sa pipila ka bahin niini wala gyud kini mobundak og uwan.

Uga ang mga costumes sa mga dancers sa mga contingents sa pagsugod ug nangabasa lang sa ilang kaugalingong singot pagkahuman na nila og presentar pagkahapon.

Ingon niana ka pinangga sa Senyor ang iyang mga deboto. Tingali gidungog gyud sa Senyor ang hiniusang tingog sa mga deboto nga hatagan og maayong lakaw sa panahon ang adlaw nga Domingo diin daghang halad-sayaw nga himuon pahinungod kaniya.

Gawas pa niana, angay usab nga pasalamatan ang mas bagang katawhan nga nipailob sa pagpawong sa signal sa ilang mga cellphones inay nga magyawyaw sama sa gibuhat sa wala’y konsiderasyon ug pagpakabana sa uban.

Adunay uban nga wala kaayo makasabot sa sitwasyon kun nganong kinahanglang pawngon ang signal. Kuwang lang sila og kahibalo bahin sa teknikal nga aspeto kun unsay relasyon sa signal sa cellphone ug sa bomba sa mga terorista, mao nga makaako sila og yawyaw ug balikas kun nganong way signal.

Mao na nga tinuod gyud ang panultihon nga “little knowledge is dangerous.” Busa atong awhag sa publiko, basta aduna gani ingon niini kadagko nga kausaban, ayha pa kamo mokisikisi pagtuon sab og research ug gamay aron dili mo masawayan sa uban.

 

PINANGGA GYUD SA SENYOR STO. NIñO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with