^

Banat Opinyon

Ang media ug si Duterte

John Leicester - Banat

Angayan ba nga ipamugos sa media ang pag-cover ni President-elect Rodrigo Duterte ilabi na human sa udtong tutok sa Hunyo 30 kanus-a mahingpit na ang iyang pagka-presidente sa nasud?

Sa nangaging mga presidente, wala gyuy problema ang media kay wala may koral tali sa mga nangaging presidente ug sa media isip institusyon.

Apan ning umaabot pamunoan ni Duterte, adunay dakong koral nga nahimutang tali sa media isip institusyon ug sa presidente. Nagsugod kini sa presscon didto sa Davao City human gipangutana (o gibitik) si Duterte sa mga sakop sa media sa Manila unsay iyang ma-estorya kabahin sa mga peryodistang gipamatay.

Usa ko sa nag-monitor sa presscon pinaagi sa telebisyon ug sa social media. Ug makaingon ko nga mapasalamaton kaayo kita karon nga aduna nay social media tungod kay wala na gyuy matago nga butang, nga bisan unsaon og tuis sa mga sakop sa media ang estorya sa presidente nga himalikas ug bastos og baba, mogawas ra gyud ang kamatuoran.

Sa laktod, wala magsilbe ang tuis sa media sa Manila kay gipagawas sa social media unsay tinuod nga unod sa estorya ni Duterte.

Laing butang nga giduot ngadto sa umaabot presidente ang pagtaghoy niini ngadto kang Mariz Umali. Gipakadako sa mga media sa kauluhan, nga lakip ang bana sa maanyag nga reporter sa GMA-7 nga si Raffy Tima, misawsaw sa isyu. Gilaliman ka nga giharas kuno ang pagka-babaye ni Mariz kay gitaghoyan ni Duterte.

Hangtod nga nakahukom ang mga media organization sa Manila sa pag-boycott sa mga presscon ni Duterte. Wala mabalaka si Duterte. Iya gani hinuong gihagit ang national media pag-boycott kaniya.

Apan sa dihang gibakwi sa media sa Manila ang bahad nga boycott, si Duterte na mibahad nga maoy mo-boycott sa media sa Manila. Ug tuod man sa Thanksgiving Party sa Davao City, wala pasudla ang media. Didto ra sila sa unahan.

Nagtuo ko patagam lang sa mga media organization sa Manila nga nagprotehir og dagkong negosyo ug mga negosyante.

Daan ra usab gyud nga ubos ra ang pagtan-aw sa mga sakop sa media sa kauluhan sa mga probinsiyano. Bisan kaming mga media sa Sugbo makabati niana. Sa mga media sa Manila, lisod ang pag-estorya kay dali kaayo nilang tuison. Walay dag-anan ang biktima kun mao kini ang target sa PR campaign. Uso sa Manila ang "smear job" kun mga tinguha pagguba sa karakter sa usa ka tawo. Ug minilyon ka pesos ang mahimong budget niini.

Mao kini hinungdan nganong miingon si Duterte nga adunay mga media nga gipamatay kay modawat ug mobira bisan makadawat na. Adunay media nga nagprotehir sa interes sa ilang gilabanan. Ug adunay media nga maoy tigpadayag sa kamatuoran.

Hadlok si Duterte nga mabiktima nianang nag-unang duha ka klaseng sakop sa media. Ug mao kanay mga klase nga gipamatay.

2016 FRENCH OPEN

ANDY MURRAY

ROLAND GARROS

TENNIS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with