Sayo ko nakabotar
IYO ANTOY - Antolin dela Cerna (Banat) - May 9, 2016 - 10:00am

Thank God, it’s all over! Bisan tuod og dili kita kandidato, wala ma-involved sa kampanya, apan tungod kay ato man nga giisip nga crucial kaayo alang sa atong nasud ang eleksyon kagahapon, na-relieved kita gikan sa anxiety, apprehensions ug mga kabalaka karon nga natapos na ang botasyon.

Sa akong pagsulat niini, nakabotar na ko. Tungod kay wala pa ko maka-verify daan sa akong ngalan ug sa akong precinct number, mga alas 5:30, didto na ko sa tunghaan sa Guadalupe.

Wala ako maproblema sa parking. Daghan na ang mga tawo, apan, wala pa maghuot, wala pa magdasok. Gikan sa mga volunteers sa Cimpel, akong nakuha ang akong numero sa voters’ list ug numero sa presinto. Ug tungod kay gihatagan man og priority ang mga senior citizens pagbotar, by 6:30 nakabotar na ko.

Wala ko mouli dayon, suroy-suroy usa. By 7:00, huot na, dasok na. Daghan na nga mga bagulbol, mga reklamo. Taas na kaayo ang mga linya sa buot manguha sa ilang mga precinct numbers, ug sa mga bumoboto na.

Gawas sa tunghaan, grabe na ang traffic, lisud na pag-park. Puno na ang sidewalk padulong sa tunghaan. Niining mga orasa, nauli na ko sa balay, namahaw ug mibalik pagkatulog. It pays to be an early bird. Thank God it’s all over!

Maoy atong panghinaut nga kun unsa man ang mga kakulian nga nahitabo sa eleksyon, panahon sa botasyon, kay dili man kalikayan nga duna man gyuy mobutho nga mga problema, dili unta kini mosangpot sa kaguliyang ug kagubot.

Sa bisan unsa nga panagsangka, sa bisan unsa nga indigay, sa bisan unsa nga matang sa contest, dili ang tanan mudaog, duna gyuy mapilde. Giingon nga sa eleksyon kuno sa Pilipinas, walay mapilde, ang tanan mudaog. Gitikasan lang ang mga napilde.

Sa America, ang eleksyon dili sumpay sa ilang kinabuhi. Maoy hinungdan nga immediately after the election and canvassing, ang mga mapilde, modawat dayon sila sa  kapildehan. Hinaut nga mao usab kini karon ang mahitabo dinhi sa atong nasud, tapus sa eleksyon.

Ugma diay, Mayo 11, manghatag na usab sa financial assistance alang sa mga senior citizens dinhi sa dakbayan, sumala sa gisaad ni Mayor Michael Rama.

Tag P1,000 sa matag senior citizen. Klaro nga dili pamolitika kay tapus na man ang eleksyon. Kalimtan na usab nato ang politika.

In the meantime, mag-uliay sa mga maayong kabubut-on, mag-ambahan ug magbinuligay, alang sa kabulahanan natong tanan.

 

 

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with