Sa iyang sulat-binuksan sa Inquirer, si Carlos D. Isles mipadayag sa iyang kabalaka sa gihimo ni Chief Justice Maria Lourdes Sereno atol sa oral arguments sa disqualification case batok ni Senador Grace Poe kay maora’g si Sereno nagpakita sa iyang pagdapig ni Poe.
Matud ni Isles, “I couldn’t believe that Chief Justice Maria Lourdes Sereno could act so small before my admiring eyes in the way she handled herself during the oral arguments against Senator Grace Poe. It was very clear that Sereno was lawyering for Poe.”
Mao ra kuno og si Sereno mi-act, as if, siya ang abogado ni Poe. Bitaw, nganong mag-hearing-hearing pa man nga ang Chief Jutice mismo dapig man kaha ni Poe?
Maayo man gani kuno nga wala malupig ang argumento ni Comelec Commissioner Arthur Lim nga kun dili i-disqualify si Poe, makasupak kini sa provision sa Constitution bahin sa citizenship ug sa residency sa buot modagan pagka-Presidente sa nasud.
Matud ni Lim nga ang issue on foundlings (mga batang nakit-an) mahimo ra nga atubangon sa Kongreso, pinaagi sa pag-amendar sa Constitution nga mo-declare na nga ang mga foundlings Filipino citizens na.
Adunay mga sugyot nga gumikan sa pagka-bias kuno ni Sereno, mo-inhibit unta kuno sa nagpadayon nga oral arguments. Ug sa nagpadayon nga hearing, natataw kuno kinsa sa mga associate justices ang dapig ni Poe.
Pagkakaron, aduna nay lima, lakip ni Sereno. Ug matud pa, kining lima pulos mga tinudlo ni Presidente Noynoy Aquino. Coincidence lang ba ni? Dili ni tinuyo aron dili ma-disqualified si Poe?
Wala ba makapanimaho si Mar Roxas niini? Nga mitambong man gani ni si Poe sa birthday party ni Noynoy? Hangtod hinoon nga mikatay ang huhongihong nga kuno si Poe, secret candidate ni Noynoy.
Di sab hinuon ko motuo niini. Subra ra. I don’t think mahimo kini ni Noynoy, tungod lang kay nag-una sa mga survey si Poe.
* * *
By the way, usa ka diehard nga lumalaban ni Mar Roxas mihatag og assessment sa resulta unya sa election. Matud niya nga tungod kay pulos lig-on ang mga kaatbang ni Roxas, daghan kaayo ang boto nga mahiadto kanila.
Apan, ila kining bahin-bahinon. Sa ato pa, mabuak ang opposition votes. Apan, intact ang administration votes. Sa ato pa, bisan og kanunay nga mangiwit si Roxas sa mga survey, aduna gihapon siyay purohan nga mudaog, kay lagi, intact man ang mobotar kaniya. Mao ba?