Brgy Tayud, Consolacion, Cebu
MR. BARANGAY - Jun Veliganio (Banat) - February 3, 2016 - 9:00am

“Maayo unta og aksyonan sa among mga opisyal sa barangay ang problema namo sa drainage diri sa Sitio Kapulay kay kun mag-uwan dali ra nga mobaha. Dugay na mi nga nag-antos niining problemaha.”

Brgy Bulasa, Argao, Cebu

“Wala gyud atimana sa among mga opisyal ang gubaon nga karsada diri sa among lugar, nabulit na sa libaong. Tagdon na unta ni sa ahensiya nga hingtungdan aron wala’y madisgrasya.”

Brgy Kalubihan, Cebu City

“Maayo unta og panghipuson kining mga libudsuroy nga mga bata diri sa dalan Colon ug Manalili kay dili maayo tan-awon. Kini ra ba’ng mga bataa mangilog man og pagkaon unya manglabni pa gyod og mga butang sa mga tawo.”

Brgy Capitol Site, Cebu City

“Salamat kay nasirado na gyud tawon ang swertres diri nga tag pisuhon. Hinaut unta nga dili na kadto makabalik kay hasol kaayo diri sa among lugar sa Ponce compound.”

Brgy Nailon, Bogo City

“Naunsa na man tawon ning dalan diri sa among lugar padulong sa Siocon mura na man og tunaan sa kabaw kun mag-uwan. May gisemento nga karsada pero ang tungod ra sa Martinez beach nga gipanag-iya ra pud sa among mga opisyal sa syudad."”

Brgy Agsuwao, Catmon, Cebu

“Ang karsada padulong diri sa among sityo grabe na kalisod agian labi na kun mag-uwan kay dangog kaayo. Nag-request na mi nga sementohon apan wala tagda.”

Brgy Ibabao, Cordova, Cebu

“Abusado na gyud kaayo ang dispatcher sa mga PUJ diri kay masuko man kun hatagan og gamay bisag usa ra ka pasahero ang mosakay. Maayo unta’g mabadlong ni sila kay kun dili nimo mahatagan baharan ming mga driver nga birahan.“

Brgy Tipolo, Mandaue City

“Taudtaud na gyud nga wala’y klaro ang pagkuha sa mga basura diri sa among lugar. Baho na kaayo ang mga basura. Agi-agian ra man ang mga basura diri sa mga garbage collector, ang siguroon kadto ra man tingali nga mohatag.”

Brgy Jugan, Consolacion, Cebu

“Uso na kaayo ang pagpangawat diri sa among lugar, manaka og mga balay, kun wala’y tawo kawaton ang mga importanteng butang. Sige nami og reklamo sa mga polis   apan wala man gyud moaksyon.”

Brgy San Roque, Cebu City

“Wala gyud ni mabadlong ang mga dispatcher diri atbang sa Cathedral nga abusado kaayo sige lang panghingi namong mga driver. Ang uban ani nila kun makalugar mang-snatch.”

Brgy Jaclupan, Talisay City

“Dili gyud ni masumpo ang ilegal parking diri sa among lugar kay mismo ang kapitan diri mao may tag-iya aning mga dagkong truck nga gi-parking daplin sa karsada.”

 Alang sa inyong mga reklamo text lang sa 09062973166

ACIRC ANG BRGY CEBU CEBU CITY DIRI KAY MAAYO MGA NGA STRONG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with