^

Banat Opinyon

Pagpalambo sa SSS

IYO ANTOY - Antolin dela Cerna - Banat

Giingon dinhi nga bisan kun ihatag ni Presidente Noynoy Aquino ang P2,000 nga usbaw sa mga SSS pensioner, dili mahitabo nga maalkansi, labaw pa nga dili mabangkaruta ang SSS. Gani, bisan pa'g P5,000 pa ang usbaw.

Kini ang assessment sa usa ka inila nga financial expert, si Joel C. Valdez nga nakaalagad isip finance undersecretary sulod sa tulo ka nanglabay nga administrasyon, ug karon, usa ka fund management practitioner. Sa ato pa, kun panalapi ang hisgotan, suheto kaayo.

Sa iyang column sa Inquirer, si kanhi Senador Joey Lina mikutlo kang Valdez sa iyang pag-ingon: "Much can be done to increase SSS viability and make it possible for pensions to be increased even by more than half of the proposed P2,000 hike without risking bankruptcy. "

Sa ato pa, bisan og katunga pa sa P2,000 ang ihatag ni Noynoy ngadto sa mga pensioner, dili gyud mahitabo nga mabangkaruta ang SSS..... kana kun kamao lang modumala ang karon nagdumala sa SSS.

Hagit kini karon sa mga opisyal sa SSS nga ang ila ra nga mga sweldo ug bonuses maoy gitagad.

Unsaon pagpalambo ang SSS? Solution ni Valdez: "Invest in high yielding financial instruments and investment opportunities, rationalize operating expenses, pursue monetization of loan receivables, liquefy non-performing assets/non current assets held for sale, or deploy such assets into profitable joint ventures."

So, daghan ang mahimo, kun maghunahuna lang ang kadagkoan sa SSS sa welfare sa mga miyembro niini, Matud pa: "putting their hearts into it could make a lot of difference." Apan, wala kita masayod kun hain mahiluna ang ilang mga kasingkasing.

Sa mga gisugyot dinhi, ang labing mahinungdanon nga angay buhaton sa SSS mao ang pag-rationalize sa operating expenses, sa ato pa, sa dili pagpatuyang og gasto sa kuwarta nga dili ila, ug paghingusog sa collection nga miabot na og kapin sa P300 bilyones.

Midugang si Valdez: Rationalization of operating expenses, consisting of personnel salaries and maintenance costs, should lead to reduced expenses and increased net profit at par with private financial institutions."

So, simple ra gyud kaayo. Usa sa mga lakang nga ilang himoon mao ang pagpakunhod sa gasto. Ambot kun willing ba sila pagpakunhod sa ilang mga suweldo ug sa mga perks and privileges. Mao ni ang angayan tan-awon ni Noynoy.

Daghan pa  kaayo og mahimo ang SSS pagpalambo niini nga dili kinahanglang usbawan ang contributions sa mga miyembro, nga mao ray bugtong nilang solusyon batok sa bankruptcy.

 

AMBOT

ANG

JOEL C

MGA

NGA

NOYNOY

PRESIDENTE NOYNOY AQUINO

QUOT

SENADOR JOEY LINA

SSS

VALDEZ

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with