Ayaw pagdali-dali DOE
(Banat) - December 13, 2015 - 9:00am

CEBU, Philippines - Nasubo kaayo ko pagkadungog sa report sa radyo ug telebisyon nga ipahunong na gyud sa Department of Energy (DOE) ang pag-refill og LPG sa Butane canisters.

Gani may report nga rondahon unta sa DOE ang usa sa mga refill center sa mga Butane/LPG didto sa Barangay Paknaan, Mandaue kaniadtong Lunes sa hapon. Para kanako, dili man gyud peligro ang paggamit og LPG-refilled canister.       

Ang Bureau of Fire Protection (BFP) wala’y report nga mapakita nga daghang sunog naggumikan sa paggamit og LPG-refilled canister. Sagad sa mga sunog naggumikan sa pagpataka og gamit sa kuryente ug ang pagdanghag.

Daghan kaayo nga mga pobre nga tiggamitan og stoves nga gigamitan og LPG-refilled canister nga maapektahan kun tinud-on sa DOE ang ilang hulga nga idili na ang pagbaligya sa mga canisters.

Mas labing maayo tingali nga ang ilang sakmiton mao kanang mga canisters nga tayaon na kaayo ug klaro na nga gabok. Wala tingali maabot sa hunahuna sa kadagkoan sa DOE nga sa paggamit og butane/LPG canisters, nakatabang usab kini sa pagpalambo sa atong environment.

Kaniadto ang mga tawo nagpataka lang og pangputol sa mga kahoy aron bughaon ug isugnod. Tungod niini, anam-anam nga nangapuo ang atong kakahoyan kay purilon man sa katawhan aron duna sila’y isugnod. Apan dihang aduna nay Butane/LPG refilled canister, kadtong migamit og kahoy para sugnod, miundang na pagpamutol og kahoy kay mas sayon man gamiton ang Butane stove ug barato pa ang kantidad sa matag canister.

Sa ato pa, ang paggamit sa Butane makatabang usab pagpalambo sa atong environment ug nakatampo kita sa pagpugong sa climate change kay pinaagi sa mga kahoy, mobugnaw man ang atong palibot.

Awhagon usab nako ang mga tig-refill og mga Butane canisters nga mopasiugda sila og pagpananom og mga kahoy. Diri sa akong balay, taud-taud na akong migamit og Butane apan wala may aksidente nga nahitabo mao nga makaingon ko nga safe gamiton ang Butane/LPG refilled canisters basta magmatngon lang.

ANG ANG BUREAU OF FIRE PROTECTION APAN AWHAGON BARANGAY PAKNAAN BUTANE DEPARTMENT OF ENERGY LPG MGA NBSP NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with