^

Banat Opinyon

Anak unang namatay sa ginikanan

LEGAL CORNER - Atty. Divine Flores - Banat

Dear Atty. Divine,

Ako si Jerry, 32 years old, taga Kalisig, Lala, Lanao del Norte. Mangayo ko nimo og advice kabahin sa yuta nga kabilin. Ang akong lolo dugay na nga namatay ug adto nga time, buhi pa ang iyang mga ginikanan. Sukad namatay ang akong lolo, wala na mahatagi og panginabuhian ang akong mama kay ang rason sa mga igsuon sa akong lolo nga ang namatay dili na puwede makadawat sa iyang bahin. Miabot ang pipila ka tuig, namatay ang ginikanan sa akong lolo ug may nagpabilin nga utang kay prendado ang katungang bahin sa yuta. Ang problema Atty. Divine kay nabaligya na ang yuta ug ang nakapalit mao ra sab ang naprendahan sa yuta. May mahimo ba kaming mga anak nga sukad naprenda hangtod nabaligya ang yuta wala man makahibalo or makapirma ang akong mama?

 

Dear Jerry,

Ang anak mahimo lang nga maka-inherit sa kabtangan sa iyang mga ginikanan kun siya buhi pa sa dihang namatay ang iyang mga ginikanan. Sa ato pa, ang ginikanan maoy unang mangamatay aron ang mga anak nga buhi maka-inherit sa ilang gibilin nga kabtangan. Base sa imong asoy, ang imong lolo maoy una nga namatay kay sa iyang mga ginikanan ug ang kabtangan nga imong gihisgutan, ang kabilin sa mga ginikanan sa imong lolo. Tungod kay ang imong lolo mas una man nga namatay kay sa iyang mga ginikanan, then dili na maka-inherit ang imong lolo lakip na ang iyang mga anak sa kabilin sa iyang mga ginikanan. Kun una pa unta nga namatay ang mga ginikanan sa imong lolo, then may katungod unta ang imong mama nga maka-inherit sa share sa imong lolo pinaagi sa representation apan lahi man ang nahitabo kay mas una man nga namatay ang imong lolo kay sa iyang mga ginikanan, so dili na maka-inherit ang imong mama sa kabilin sa mga ginikanan sa imong lolo ug wala na sab kamo’y mahimo pa sa maong property nga nabaligya na kay wala na man kini magkinahanglan sa pirma sa imong mama kay di man siya usa sa mga heirs. — Atty Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected]. ug akong tubagon ang inyong pangutana pinaagi sa akong column matag Miyerkules, Sabado ug Domingo.

AKONG

ANG

ATTY DIVINE

GINIKANAN

IMONG

IYANG

KAY

LOLO

MGA

NAMATAY

NGA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with