‘Consience and Compassion’
(Banat) - November 24, 2015 - 9:00am

Laing reklamo na usab sa giingon nga medical malpractice ang mitumaw karon sa pampubliko nga tambalanan. Kini naglambigit sa usa ka 23 anyos nga babaye nga nanganak sa Vicente Sotto Memorial Medical Center (VSMMC). Tungod kay naglisod sa pagpahimugso sa bata  gipaubos sa caesarean section ang babaye. Apan mas dako nga problema ang nahiaguman sanglit naapil man sa paghiwa ang pantog sa inahan sa katarungan nga nagsikit kini sa matris hinungdan nga natastasan pag-apil. Ang nakaparat og samot kay igo lang matud pa misugilon ang doktor sa pasyente sa nahitabo ug wala gyud gani nangayo ug despensa sa dako nga sipyat nga nahimo niini.

Matud sa pasyente nga gidalidali pa sila sa pagpagawas sa tambalanan bisan og wala pa matangtang ang gitaod nga catheter nga hilabihan ka lisod ug hasol kaayo.

Wala na kaagwanta ang babaye dihang gi-refer sila sa VSMMC ngadto sa pribado nga hospital pagpahiling kung wala na ba ang leak sa iyang pantog aron matangtangan na siya og catheter. Dili unta kini isyu kung ang doktor ug ang hospital nga nakasala maoy moabaga sa galastohan apan wala gyud bisan gamay nga tabang ang gitanyag kanila. Maayo na lang kay adunay usa ka opisyal sa gobiyerno ang miabaga sa pagpahiling sa private hospital. Dihang gikuhaan sa habig ang VSMMC bugtong ang tigpamaba lang ang miatubang sa mga tigbalita kinsa miingon nga mihimo na sila og pakisusi sa alegasyon. Wala pa usab moatubang ang doktor  nga nag-opera sa pasyente.

Miduso na og formal complaint ang pasyente ngadto sa Department of Health (DOH) 7 nga mao usab ang himoong hanig unya sa himoon nga pakisusi. Kung gitagad o nagpakabana lang unta ang hospital ug ang tambalanan sa sitwasyon sa pasyente dili na unta kini mosangpot sa ingon niini nga kontrobersya kay ang bugtong nga gitinguha ra gyud unta sa pasyente mao ang gamay nga tabang aron maluwas ang iyang kinabuhi. "Conscience and Compassion" mao unta kini ang ipatigbabaw sa mga anaa sa medical profession ngadto sa ilang mga pasyente, pwera lang sa mga maayo. Magpaka"TAWO" sila sanglit ang ilang pasyente mga "TAWO " man usab bisan og mga kabus kinsa mao gyud ang angayan nga kaloy-on. Simple lang kung ikaw nasipyat, pwes angkunon nimo imong sayop ug mangayo og pasaylo dungan sa pag atubang sa imong responsibilidad ngadto sa imong nasad-an. Nuntan na lang nato kung unsay sangpotanan niini nga reklamo ngadto sa DOH kay basin mapareha lang kini sa uban nga walay gipadulngan.

ANG APAN CONSCIENCE AND COMPASSION DEPARTMENT OF HEALTH DIHANG DILI LANG NGA PASYENTE VICENTE SOTTO MEMORIAL MEDICAL CENTER WALA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with