^

Banat Opinyon

Campaign period

IYO ANTOY - Antolin dela Cerna - Banat

Dugay pa ang official election campaign period, apan dugay na nga  nagsugod ang kampanya.

Kun igo ka lang manglamano, mopikpik sa abaga, mo-smile, mag-warawara sa kamot ug bukton, magbiso-biso, magpasiugda og mga proyekto, magsuroy-suroy ug makig-estorya sa taga barangay, mo-advertise sa radio ug telebisyon, mamalit og radio time … apan dili moawhag to “vote for me,” wala ka mangampanya.

Wala ka mag-early campaigning. Kanindot gyud sa atong balaod sa eleksyon uy! Unya, sa mga binayran nga mga tulomanon sa radyo, ato na nga madungog ang mga pangatake left and right, mga pagdaot sa kadungganan, ug below the belt nga matang sa pangumentaryo.

Hinoon, malingaw sab kita nga maminaw nila. Usahay makakatawa gani ko. Ug lagmit, nalingaw usab ang Comelec pagpaminaw kanila. Apan sa hingtungdan, sakit kaayo. Anyway, that’s how it is in Philippine politics.

* * *

Alang sa mga pumipili, may panahon pa kita sa pagtimbang-timbang ug paghimbis sa mga pilionon nga buot moalagad sa lungsod.

Silang tanan mo-claim nga nagdugo ang ilang mga kasingkasing sa dakong tinguha pag-alagad sa katawhan. Silang tanan naluoy ug nahigugma sa mga kabus. Silang tanan, mohalad sa ilang katakus ug kabudlay alang sa lungsod.

Silang tanan magpapukaw bisan sa halawom nga takna sa kagabhion aron sa pagtubag sa mga panginahanglan sa katawhan. Silang tanan, mosulbad sa mga suliran nga gisagubang karon sa lungsod.

Kun motuo kita sa tanan nilang ipamulong ug isaad, maglibog na ta kun kinsa kanila ang nagsulti sa tinuod, ug kinsa kanila ang angayan sangonan sa gahum pagdumala sa pangagamhanan.

Ang PPCRV kon Parish Pastoral Council for Responsible Voting, miawhag sa mga buot magpapili to make soul-searching themselves, pagkonsulta sa ilang mga konsensiya, ug pagpangutana sa ilang kaugalingon ngano nga magpapili sila, ngano nga moalagad sila sa lungsod, ug ngano nga mituo sila sa ilang kaugalingon nga sila ra ang tiunay nga makaalagad sa lungsod.

Ang national chairman sa PPCRV nga si Henrietta de Villa, miingon “They should discern well what moves them to run. What is their motive or reason for wanting to become a candidate. They should be persons with integrity. They have to be honest.”

Tinuod, unsa man gyud ang nakatukmod kanila paglansar? Unsa man ang ilang katakus ug ka-sinsero sa pag-alagad unya kun mudaog?

Tambag ni De Villa ngadto sa mga kandidato: Don’t just think of how to get votes, pray and discern what God is telling you to do.”

 

ACIRC

ANG

APAN

COMELEC

DE VILLA

KUN

MGA

NGA

PARISH PASTORAL COUNCIL

RESPONSIBLE VOTING

SILANG

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with