EDITORYAL - Angay ipa salamat
(Banat) - November 19, 2015 - 9:00am

Si US President Barrack Obama mianunsyo sa ilang dugang military aid alang sa mga kaalyado niining nasud dinhi sa South East Asia nga naglakip ang Pilipinas, Vietnam, Malaysia ug Indonesia.

 Kun buot tan-awon, ang Indonesia lamang ang dili claimant country sa giilogang teritoryo diha sa West Philippine Sea, apan kabahin sa teritoryo sa Indonesia ug sa kasikbit niining Malaysia ang Malacca Strait  nga diin mag-agi ang tanang barko gikan sa Indian Ocean padung sa West Philippine Sea.

Giseryoso sa Amerika ang plano niining "pivot to Asia" nga matud pa sa uban gituyo aron atbangan ang impluwensiya sa karibal niining nasud, ang China. Nag-ilog kini sila karon kun kinsa mas dako og impluwensiya.

Kung ang China adunay kwartang ipautang sa mga nasud nga gusto nilang makuha ang suporta, ang US adunay daghang surplus sa ilang mga gamit militar nga ikahatag ubos sa ilang excess defense articles (EDA) ngadto sa ilang kaalyado.

Ning bag-ohay lamang, gipahibalo ni Obama nga mohatag ang iyang nasud og duha ka barko sa Pilipinas, usa ka Weather High Endurance Cutter (WHEC) sama sa nauna na nilang gidonar nga mao karon ang BRP Gregorio del Pilar ug BRP Ramon Alcaraz, ug ang ikaduha usa ka oceanographic research vessel.

Kung tan-awon karaan na kini, apan sa nasud nga kuwang og budget aron ipamalit og mga modernong barko, bag-o na kini para sa Pilipinas. Apan kini gisaway dayon sa mga kritiko, kay kuno karaan na ug dili makaparang sa kasamtangang mga gamit sa China.

Apan mas maayo na lang ni kaysa wala gyud. Upat na ka mga presidente ang nangagi apan wala maatiman ang Armed Forces of the Philippines, karon pa sa panahon ni PNoy nakapalit og daghang gamit ang nasud , brand new man o second hand ug aduna pay mga donasyon. Angay pa gani kining ipasalamat kay gikinahanglan sa Pilipinas ang dugang mga gamit, mas pa kun libre.

ANG APAN ARMED FORCES OF THE PHILIPPINES INDIAN OCEAN MALACCA STRAIT MGA NGA PILIPINAS PRESIDENT BARRACK OBAMA RAMON ALCARAZ WEST PHILIPPINE SEA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with