Pamalandong sa Juan 6:51-58
Ang Kasaulogan sa Sagrada Eyukaristiya dili lang usa ka kahigayonan sa pakigsuod sa Dios kondili usa kini ka dakong timaan kun unsa kita kamahal sa Dios. Mao nga kini nagpahinumdom kanato:
1. Ang gugma sa Dios walay pagkutat ug walay kinutoban. Dili sama sa gugmang tawhanon nga pwedeng molubad ug mawad-an sa katam-is.
2. Ang Eyukaristiya nipahinumdom nga ang Dios mopasaylo ug makalimot sa atong pagkadautan. Dili sama natong mga tawo nga nakapunting kita sa kasaypanan sa uban ug dili sa ilang kaayohan ug bili. Ang Dios nidapit kanato nga atong saulogon ang maong gugma ug pasaylo diha sa Talad kan-anan sa atong Kristohanong Katilingban.
3. Ang Sagrada Eyukaristiya nipahinumdom nga ang Dios Anaa uban ug alang kanato! Mahimong biyaan kita sa tanan apan di mahitabo nga ang Dios mobiya kanato sa hingpit.