Traffic makalagot kaayo
TIKDOL SA PORDOY - John Rey Saavedra (Banat) - August 2, 2015 - 10:00am

Ang Ironman kagahapon misulay pag-usab sa pailob sa mga Sugboanon human kadaghanan kanila nangalangay tungod kay daghang karsada ang gipangsirad-an aron mapahigayon ang kalibutanong kalihukan sa paugnat sa kusog.

Migikan kami alas 8:30 sa buntag gikan nanimba sa Immaculate Heart of Mary Shrine sa Minglanilla paingon sa Plantation Bay aron sa pagduaw sa akong manghod ug iyang pamilya, apan alas 12 sa udto na kami nakaabot.

Diha nga gitanggong pa sa makapangagot nga sitwasyon sa trapiko gikan sa Mandaue paingon sa Lapu-Lapu, makapamalikas g’yud ta sa mga mga organizer, apan kun makaabot na kita sa destinasyon ug makahunahuna sa kabililhon sa maong kalibutanong kalihukan, makaingon kita nga way bale ang akong pagkalangay kay ang kalihukan, kun magmalampuson makahatag og dungog sa Sugbo ug mga Sugboanon.

Apan ma-adunay Ironman o wala, dili na ikalimod ang kahuot sa trapiko sa Metro Cebu. Samtang may gamay na nga alibyo ang kahuot sa trapiko sa Sugbo sukad milingkod si Atty. Rey Gealon isip executive director sa City Transportation Office, nagkahuot ang trapiko sa dakbayan sa Mandaue.

Adunay gitawag sa inenglis og ‘incompetence.’’ Kun anaa kanang maong pulong sa lider sa usa ka lugar, moresulta kana sa bati nga sistema sa maong lugar. Makita nato sa Mandaue ang wala’y kasulbaran nga trapiko. Dili kay wala’y sistema nga gipatuman. Adunay sistema nga gipatuman si Mayor Jonas Cortes pinaagi sa iyang traffic management team, apan ang sistema wala mosaler. Sa ato pa, ang naghimo sa sistema mga polpol.

Unsaon pagsaler, nagpatuman tuod og one-way traffic scheme sa ubang mga karsada apan kasagaran sa mga major thoroughfare sa Mandaue daghang gipangubkob tungod sa proyekto sa DPWH. Dili ang DPWH ang mo-manage sa mga proyekto kay igo ra g’yud kini mopatuman. Trabaho sa local nga kagamhanan sa Mandaue ang pagplano ug mao kini ang wa nahimo ni Jonas.

Kun magpirme’ng anaa si Jonas sa Mandaue City Hall, magpabiling makaluluoy ang mga Mandauehanon sa kanunay’ng pagkatanggong sa wala’y hinungdang trapiko.

Unya, gusto ni Jonas nga mag-kongresista puli kang Kongresista Luigi Quisumbing? Kaluoy sa kongreso nga mapun-an na usab silang Kongresista Bebot Abellanosa nga mga sakop sa “silent committee.’’ Ang among lugar sa Minglanilla nagkahuot g’yud ang trapiko tungod sa nagkadaghang sakyanang mangagi paingon ug gikan sa habagatang Sugbo.

Aduna na unta’y gipangtaod nga mga traffic lights, apan wala g’yud magamit. May mga close-circuit video camera unta nga gipangtaod, pero ambot og nag-andar ba.

Makapila ka higayon ko nga nakabantay nga magsige lang og blink ang mga traffic lights, apan walay  “go’’ o  “stop,’’ usik lang sa kuryente kay wala man gamita sa husto nga paagi.

ACIRC ADUNAY ANG APAN CITY TRANSPORTATION OFFICE DILI JONAS MANDAUE MGA NGA SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with