EDITORYAL - Labad sa Anti-Dynasty Bill

Edwin Ian Melecio (Banat) - July 29, 2015 - 10:00am

Lanog kaayo ang panawagan ni Presidente Benigno Aquino III nga kinahanglang mapasar na ang Anti-Political Dynasty Bill. Kini gipakpakan sa daghang mga nanambong sa kataposan niyang State of the Nation Address niadtong Hulyo 27, wala kini nagpasabot nga matuman kini.

Apan dili ba kaha kining balaura masusama lang gihapon sa balaudnon nga magpahunong na sa kontraktwalisasyon sa mga mamumuo?

Pila na man ka presidente ang nanglabay apan wala gihapon kini mahingpit nga balaod sukad nga kini giduso diha sa Kongreso? Unsaon man, sagad sa mga kongresista ug senador pulos mga negosyante ug maoy numero unong maapektahan.

Sa isyu sa anti-political dynasty, dili ba kining mga mobotar pagpasar sa mga balaod aduna say  mga anak, pag-umangkon, asawa, bana ug kaparyentihan nga adunay gihuptang elected position sa ilang mga lokalidad?

Kini sila nangambisyon ‘sab nga makalingkod sa Kongreso sa umaabot nga mga panahon. Kun mapasar kining balaura, asa na man mapunta ang ilang pamilya, ilabi na kadtong gihimo nang panguwarta ang ilang mga posisyon, di g’yud ni sila mobotar pabor ini.

Sa pikas bahin, kun aduna may mga angayan nang putlon ang pagharihari sa ilang pamilya, aduna say maihap sa tudlo nga mga pamilya nga maayong modumala isip elected officials sa ilang  lugar.

Unsaon na man kadtong duna g’yuy tinud-anay nga pagbati sa ilang mga konstituwente ug makamaong modala sa ilang kaakohan?

Sa laktod pagka-estorya, lalisunon pa kaayo kining gusto ni Aquino diha sa Kongreso. Tingali kadtong mga nangusog pagpasar niini, napurga na sa kadaghan sa mga political clans nga way nahimong maayo sa ilang panerbisyo.

Apan dili siguro husto kun paantuson ang katawhan pinaagi sa pag-ilis og bag-ong pamuno nga mas labaw pa unya nga way pulos kay di makamao.

 Makatarunganon bang hikawan ang katawhan niining mga tawong matinud-anon moserbisyo?

ANG APAN AQUINO ILANG KINI KONGRESO MGA NGA POLITICAL DYNASTY BILL STATE OF THE NATION ADDRESS UNSAON
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with