* Gikinahanglan ang maayong kinaiya sa panghunahuna nga may positibong panlataw nga malaumon. Likaye magsigi og kasipok ang utok.
* Maglakaw nga magtiniil sa basaon nga 'grass lawn' o kasagbutan. Iseguro way makatunok. Buhaton ni kada buntag sa dili pa moinit ang adlaw.
* Mas maayo likayan ang sobrang pag-inom og alcoholic ug kape. Hasta ang abuso sige’g panabako o hinigarilyo, kay maapektahan sab ini ang buhok.
* Moinom og lab-as nga juice ½ - 1 ka baso sa prutas o utanon kada sa dili pa mokaon. Mas maayo iapil ni sa mga oras sa imong tingkaon kada adlaw.
* Igo nga pagkaon sa sustansya Bitamina 12, A, ug B., nga kining tanan makuha sa manok, isda ug karneng baka ug sa mga utanon.
* Igo nga pagkaong may iodine sama sa saging, carrots, lato ug guso. Pwede panimplang iodized salt pero di palabian, kay makadaut sad ni.
* Kun mag-shampoo maoy gamita nang 'mild' lang. Ayaw dugaya banlawi dayo’g tubig kay kaonon ini ang sustansya sa buhok. Mas maayo kada huma’g kaligo inigkauga-uga na aron di mogahi ang buhok butangi og natural nga lana sa oliva kanang ' cold compressed'. Kun katol kay may kaspa, masahe-ig duga sa lemonsito ug tuno sa lubi ighuman banlawan, inig-uga hiso-ig lana sa oliva.
* Magdokdok og 'Aloe-vera' nga tanom, kuhai sa panit og ang duga o pasta ini imasahe sa buhok ug palabya una og pipila ka minutos una kini banlawan.